Breaking News : ટ્રેવિસ કેલ્સના લગ્નમાં પાણીની જેમ વહેશે પૈસા, લગ્ન પહેલાં જ કડક નિયમો
અમેરિકી સિંગર ટેલર સ્વિફ્ટ અને ટ્રેવિસ કેલ્સની લગ્નની તૈયારીઓ શરુ થઈ ચૂકી છે. એવું પણ કહેવામાં આવી રહ્યું છે કે, બંને મેડિસન સ્ક્વાયર ગાર્ડનમાં 3 જુલાઈના રોજ લગ્નના બંધનમાં બંધાશે. આ લગ્નમાં 189.52 કરોડનો ખર્ચો થશે.
દુનિયાની સૌથી ફેમસ , સૌથી સફળ અને સૌથી પૈસાદાર સિંગર ટેલર સ્વિફ્ટ લગ્ન કરવા જઈ રહી છે. મેડિસન સ્કવાયર ગાર્ડનમાં તે ટ્રેવિસ કેલ્સની સાથે જુલાઈમાં લગ્ન કરવા જઈ રહી છે. આ કપલના લગ્નની વિધિઓ શરુ થઈ ચૂકી છે.
રિપોર્ટ મજુબ લગ્નમાં અંદાજે 1000-1200 મહેમાનોને આમંત્રણ આપવામાં આવ્યું છે. મહત્વની વાત એ છે કે, કોઈપણ માહિતી લીક ન થાય તે માટે બધા મહેમાનોને કોઈ પણ ફોટો કે વસ્તુ જાહેર ન કરવાના કરાર પર સહી કરવા માટે કહેવામાં આવી રહ્યું છે. જોકે, લગ્નના ખર્ચ અને તૈયારીઓ અંગે બહાર આવતી માહિતી ચોંકાવનારી છે.
રિપોર્ટ મુજબ 36 વર્ષની ટેલર સ્વિફ્ટ અને ટ્રેવિસ કેલ્સે જાણકારીની લીકથી બચવા માટે મહેમાનોને ડિજિટલ આમંત્રણ મોકલ્યું છે. મહેમાનોના લિસ્ટમાં અનેક મોટા સ્ટાર, કપલ અને નજીકના મિત્રો સામેલ છે.
જુલાઈ મહિનાના પહેલા વીકએન્ડમાં થનારા આ લગ્નની તૈયારીઓ શરુ થઈ ચૂકી છે. આ દરમિયાન વીકેન્ડ શહેરના કેટલાક રસ્તાઓ પણ બંધ કરવાની પરવાનગી માંગવામાં આવી છે. રિપોર્ટમાં કહેવામાં આવ્યું છે કે જેમને લગ્નનું આમંત્રણ મળ્યું હતું તેમને ઇ-કાર્ડ સાથે નોન-ડિસ્ક્લોઝર કરાર પણ મોકલવામાં આવ્યો હતો.
રિપોર્ટ અનુસાર ટ્રેવિસ કેલ્સના લગ્ન પર અંદાજે 94.72 કરોડ થી 189.52 કરોડનો ખર્ચો કરવામાં આવશે. આ ખર્ચનો મોટો ભાગ લગ્નના સેટઅપ, ડેકોરેશન, વેન્યુ બુકિંગ અને ખાણી-પીણી પર ખર્ચ થશે.
આ હાઇ-પ્રોફાઇલ ઇવેન્ટ માટે સુરક્ષા અને ગોપનીયતા મહ્તવની છે. પાપારાઝીનું ધ્યાન ન ખેંચવા માટે, આયોજકોએ મહેમાનોના પરિવહન માટે રંગીન બારીઓવાળી બસો, અંડરગ્રાઉન્ડ પાર્કિંગ અને કડક દેખરેખ હેઠળના પ્રવેશ સ્થળો સહિત વિસ્તૃત વ્યવસ્થા કરી છે.
