Breaking News: સ્ટોક માર્કેટમાં તબાહી! નિફ્ટી દિવસના હાઈથી 450 પોઈન્ટ તૂટ્યો, 22,200 સુધી જવાની શક્યતા, જાણો કારણ
નિફ્ટી 23,576.15ના સ્તરે ખુલ્યા બાદ શરૂઆતમાં 23,592.85ની ડે હાઈ બનાવી હતી, પરંતુ ત્યારબાદ વેચવાલી વધતા ઇન્ડેક્સ 23,152ની આસપાસ પહોંચી ગયો હતો. એટલે કે ડે હાઈની સપાટીથી નિફ્ટીમાં 450થી વધુ પોઈન્ટનો ઘટાડો નોંધાયો છે. માર્કેટમાં આ ઘટાડાને કારણે રોકાણકારોમાં ચિંતા વધી છે.
ભારતીય શેરબજારમાં આજે ભારે ઘટાડો જોવા મળ્યો છે. નિફ્ટી 23,576.15ના સ્તરે ખુલ્યા બાદ શરૂઆતમાં 23,592.85ની ડે હાઈ બનાવી હતી, પરંતુ ત્યારબાદ વેચવાલી વધતા ઇન્ડેક્સ 23,152ની આસપાસ પહોંચી ગયો હતો. એટલે કે ડે હાઈની સપાટીથી નિફ્ટીમાં 450થી વધુ પોઈન્ટનો ઘટાડો નોંધાયો છે. માર્કેટમાં આ ઘટાડાને કારણે રોકાણકારોમાં ચિંતા વધી છે.
આ ઘટાડા પાછળ આંતરરાષ્ટ્રીય બજારમાં ક્રૂડ ઓઈલની વધતી કિંમતોને એક મુખ્ય કારણ માનવામાં આવી રહ્યું છે. ક્રૂડ ઓઈલનો ભાવ $100 પ્રતિ બેરલની ઉપર જતાં ભારત જેવા ક્રૂડ ઓઈલ આયાત કરતા દેશો પર દબાણ વધી શકે છે.
આ ઉપરાંત બાબ અલ-મંદબ વિસ્તારમાં હુતીઓના કબજાને કારણે વૈશ્વિક ઓઈલ સપ્લાયને લઈને ચિંતા વધી છે. અગાઉ હોર્મુઝ માર્ગમાં અવરોધ ઊભો થયા બાદ સાઉદી અરેબિયા માટે ઓઈલની નિકાસ માટે બાબ અલ-મંદબ મહત્વનો માર્ગ બન્યો હતો.
આ દરમિયાન સાઉદી અરેબિયાની ઓઈલ પાઈપલાઈન સાથે જોડાયેલા પમ્પિંગ સેન્ટર પર હુમલો થયો હોવાના અહેવાલોથી પણ સપ્લાય અંગે ચિંતા વધી છે. જો પમ્પિંગ સેન્ટરને નુકસાન થયું હોય તો ઓઈલ સપ્લાયને અસર થઈ શકે છે અને તેને સામાન્ય સ્થિતિમાં લાવવામાં 2 3 અઠવાડિયાનો સમય લાગી શકે છે. તેની સીધી અસર ભારત સહિત દુનિયાના અનેક દેશો પર જોવા મળી શકે છે.
નિફ્ટી હજુ કેટલો ઘટી શકે?: માર્કેટમાં ઘટાડો વધુ ચાલુ રહે તો નિફ્ટી માટે 22,200 સુધી ડાઉન જઈ શકે છે. PSP સૂટના અગાઉના વિશ્લેષણ મુજબ નિફ્ટીમાં વધુ ઘટાડાની સ્થિતિમાં આ લેવલ પર સપોર્ટ મળવાની શક્યતા દર્શાવવામાં આવી છે. 17 ઓગસ્ટ 2026ના અગાઉના સંકેતો બાદ નિફ્ટીમાં 1,000થી વધુ પોઈન્ટનો ઘટાડો થઈ ચૂક્યો છે. હવે રોકાણકારોની નજર આગામી ટ્રેડિંગ સેશનમાં નિફ્ટીના સપોર્ટ લેવલ પર રહેશે.
હવે શેરબજારમાં સૌથી મહત્વની નજર ક્રૂડ ઓઈલના ભાવ અને વૈશ્વિક ભૌગોલિક તણાવ પર રહેશે. જો ઓઈલના ભાવ $100થી ઉપર જળવાઈ રહે અને સપ્લાયને લઈને ચિંતા વધે તો ભારતીય બજારમાં વેચવાલીનું દબાણ યથાવત રહી શકે છે. આવી સ્થિતિમાં નિફ્ટી 23,200ની આસપાસનો સપોર્ટ તોડે તો વધુ ઘટાડો જોવા મળી શકે છે. બીજી તરફ, જો ઓઈલના ભાવમાં રાહત મળે અને વૈશ્વિક બજારમાં સ્થિરતા આવે તો નિફ્ટીમાં ફરીથી રિકવરી જોવા મળી શકે છે.
ટેકનિકલ દૃષ્ટિએ નિફ્ટી માટે આગામી સમયમાં 22,200નું સ્તર મહત્વનું બની શકે છે. આ લેવલની આસપાસ ખરીદદારોની એન્ટ્રી જોવા મળે તો માર્કેટમાં બાઉન્સબેક થઈ શકે છે, પરંતુ જો આ સપોર્ટ પણ તૂટે તો ઘટાડો વધુ ઊંડો થઈ શકે છે. તેથી હાલના સમયમાં રોકાણકારો માટે ઉતાવળમાં ખરીદી કરવાને બદલે બજારની દિશા અને મહત્વના સપોર્ટ લેવલ પર નજર રાખવી મહત્વપૂર્ણ રહેશે.
Published On - 2:53 pm, Tue, 15 September 26
