Cricket Breaking: ICC રેન્કિંગમાં સૌથી વધુ રેટિંગ પોઈન્ટ મેળવનાર ભારતીય બની શ્રી ચરણી, વિશ્વ રેકોર્ડથી માત્ર 2 કદમ દૂર
ભારતીય સ્પિનર શ્રી ચરણીએ મહિલા ICC રેન્કિંગમાં 804 રેટિંગ પોઈન્ટ સાથે નવો ઈતિહાસ રચ્યો છે અને તે ઓસ્ટ્રેલિયાની મેગન શુટના સર્વકાલીન વર્લ્ડ રેકોર્ડને તોડવાથી માત્ર 2 પોઈન્ટ દૂર છે. એશિયન ગેમ્સ દરમિયાન તે આ ઐતિહાસિક સિદ્ધિ કેવી રીતે મેળવી શકે છે અને અન્ય કયા ભારતીય ખેલાડીઓને રેન્કિંગમાં મોટો ફાયદો થયો છે?
મહિલા એશિયા કપ જીત્યા બાદ ભારતીય ખેલાડીઓને આઈસીસી રેન્કિંગમાં જબરદસ્ત ફાયદો થયો છે. સ્પિન બોલર શ્રી ચરણીએ વિશ્વની નંબર વન બોલર તરીકે પોતાનું સ્થાન વધુ મજબૂત કર્યું છે. આ સાથે જ તે વિમેન્સ આઈસીસી રેન્કિંગમાં સૌથી વધુ રેટિંગ પોઈન્ટ હાંસલ કરનારી ભારતીય બની ગઈ છે. (Image from: Getty Images - cricinfo)
તેણે ભૂતપૂર્વ કેપ્ટન મિતાલી રાજને પાછળ છોડી દીધી છે, જેમણે વર્ષ 2011માં બેટર્સની રેન્કિંગમાં 780 રેટિંગ પોઈન્ટ મેળવ્યા હતા. શ્રી ચરણી પ્રથમ ભારતીય મહિલા છે જેણે આઈસીસી રેન્કિંગમાં 800 રેટિંગ પોઈન્ટનો આંકડો વટાવ્યો છે. આઈસીસી વિમેન્સ ટી20 બોલર્સની રેન્કિંગમાં ટોચ પર રહેલી શ્રી ચરણીના નામે 804 રેટિંગ પોઈન્ટ છે. (Image from: Getty Images - cricinfo)
હવે શ્રી ચરણી આઈસીસી વિમેન્સ ટી20 રેન્કિંગમાં સૌથી વધુ રેટિંગ પોઈન્ટ મેળવનારી બોલર બની શકે છે. તેની પાસે એશિયન ગેમ્સ દરમિયાન આ ઉપલબ્ધિ હાંસલ કરવાની તક રહેશે. આ અગાઉ 18 સપ્ટેમ્બરે ભારત અને જાપાન વચ્ચેની મેચમાં શાનદાર પ્રદર્શન કરીને તે આ ખાસ સિદ્ધિ મેળવી શકે છે. 2018માં ઓસ્ટ્રેલિયાની મેગન શુટે 806 રેટિંગ પોઈન્ટ મેળવ્યા હતા. તે આઈસીસી વિમેન્સ રેન્કિંગમાં સૌથી વધુ રેટિંગ પોઈન્ટ મેળવનારી બોલર છે. (Image from: Getty Images - cricinfo)
એશિયા કપમાં કર્યો કમાલ: શ્રી ચરણીએ એશિયા કપમાં શાનદાર બોલિંગ કરી હતી અને ભારતને ચેમ્પિયન બનાવવામાં મહત્વની ભૂમિકા ભજવી હતી. ડાબોડી સ્પિનરે 5 મેચમાં 12 વિકેટ ઝડપી હતી. આ દરમિયાન તેનો ઈકોનોમી રેટ માત્ર 3.66 રહ્યો હતો. (Image from: Getty Images - cricinfo)
તેણે એક વિકેટ લેવા માટે સરેરાશ માત્ર 3.66 રન આપ્યા હતા. ફાઈનલ મેચમાં પણ તેણે શ્રીલંકા સામે 4 ઓવરમાં 20 રન આપીને 4 વિકેટ ઝડપી હતી. (Image from: Getty Images - cricinfo)
દીપ્તિ શર્માને પણ મળ્યો ફાયદો: આઈસીસી વિમેન્સ ટી20 બોલિંગ રેન્કિંગમાં દીપ્તિ શર્માને પણ ફાયદો થયો છે. તેણે 4 સ્થાનની છલાંગ લગાવી છે અને બીજા સ્થાને પહોંચી ગઈ છે. દીપ્તિએ એશિયા કપમાં સૌથી વધુ 14 વિકેટ ઝડપી હતી. આ ઉપરાંત ફાસ્ટ બોલર નંદની શર્માને પણ 10 સ્થાનનો ફાયદો થયો છે અને તે 94મા સ્થાને છે. (Image from: Getty Images - cricinfo)
લેગ સ્પિનર પ્રેમા રાવત 50 સ્થાનની છલાંગ લગાવીને 96મા સ્થાને આવી ગઈ છે. વિમેન્સ ટી20 બેટિંગ રેન્કિંગમાં શેફાલી વર્માને એક સ્થાનનો ફાયદો થયો છે અને તે સાતમા સ્થાનેથી છઠ્ઠા સ્થાને આવી ગઈ છે. તેણે એશિયા કપમાં સૌથી વધુ 236 રન બનાવ્યા હતા. (Image from: Getty Images - cricinfo)
