Breaking News : રોહિત 37 વર્ષ જૂનો રેકોર્ડ તોડીને ભારતનો સૌથી મોટી ઉંમરનો ODI ખેલાડી બનશે
ભારત અને અફઘાનિસ્તાન વચ્ચે 3 મેચની વનડે સીરિઝની શરુઆત શનિવાર 13 જૂનથી શરુ થશે. સીરિઝની પહેલી મેચ ધર્મશાળામાં રમાશે. આ મેચ દરમિયાન રોહિત શર્મા 37 વર્ષ જૂનો રેકોર્ડ તોડશે. તો ચાલો જાણીએ શું છે આ રેકોર્ડ
ભારત અને અફઘાનિસ્તાન વચ્ચે 3 મેચની વનડે સીરિઝની શરુઆત શનિવાર 13 જૂનથી શરુ થશે. રોહિત શર્મા અફઘાનિસ્તાન વિરુદ્ધ પહેલી વનડે મેદાન પર એન્ટ્રી કરતા જ ઈતિહાસ રચશે. તે આ ફોર્મેટમાં ભારત માટે રમનાર સૌથી મોટી ઉંમરનો ખેલાડી બની જશે. તેમજ 37 વર્ષનો રેકોર્ડ તોડશે.
હિટમને હાલમાં ફિટનેસ ટેસ્ટ પાસ કરી ભારતીય ટીમ સાથે જોડાયેલો છે. તે 3 મેચની આ સીરિઝ રમવા માટે તૈયાર છે. સ્ટાર બેટ્સમેન વિરાટ કોહલી અને હાર્દિક પંડ્યા ઈજાના કારણે અફઘાનિસ્તાન સામેની વનડે સીરિઝમાંથી બહાર થયા છે. આ બંન્ને ખેલાડીઓની વાપસી ઈંગ્લેન્ડ પ્રવાસ પર જોવા મળી શકે છે.
રોહિત શર્મા જ્યારે અફઘાનિસ્તાન વિરુદ્ધ 12 જૂનના રોજ ધર્મશાળાના મેદાનમાં રમવા માટે ઉતરશે. તો તેની ઉંમર 39 વર્ષ 44 દિવસની હશે. તે વનડેમાં ભારત માટે રમનાર સૌથી મોટી ઉંમરનો ખેલાડી બનવાનો રેકોર્ડ પોતાને નામ કરશે.
આ પહેલા આ રેકોર્ડ 1983માં આ રેકોર્ડ ચેમ્પિયન મોહિંદર અમરનાથના નામે હતો. તેમણે ભારત માટે છેલ્લી વનડે મેચ 1989ના રોજ રમી હતી. ત્યારે તે 39 વર્ષ 36 દિવસનો હતો. હવે આ રેકોર્ડ 37 વર્ષ પછી રોહિત શર્મા તોડવા માટે તૈયાર છે.
પૂર્વભારતીય કેપ્ટન રોહિત શર્માની નજર આગામી વર્ષે રમાનાર 50 ઓવરના વર્લ્ડકપ પર છે. હિટમૈન ટી20ની સાથે સાથે ટેસ્ટ ક્રિકેટમાંથી પણ સંન્યાસ લઈ ચૂક્યો છે. હવે તેની નજર ભારતને 2027નો વર્લ્ડકપ જીતાડી આ ફોર્મેટમાંથી સંન્યાસ લેવા પર છે.
ભલે રોહિત શર્માએ આઈપીએલમાં સારું પ્રદર્શન ન કર્યું હોય પરંતુ તે આ ફોર્મેટમાં સારું પ્રદર્શન કરી રહ્યા છે. આગામી વર્લ્ડકપ સુધી પોતાને ફિટ અને ફોર્મમાં રાખવા માટે મહેનત કરી રહ્યા છે.
