Breaking News : રાજકોટના મોહિત ઉલ્વાને મળ્યું મોટું ઈનામ, પાકિસ્તાન સામેની મેચ જીતી બાદ સિનિયર ટીમમાં એન્ટ્રી થઈ
અંડર-19 એશિયા કપ 2026ની ફાઇનલમાં પાકિસ્તાન સામે ભારતને શાનદાર જીત અપાવ્યા બાદ મોહિત ઉલ્વા (Mohit Ulva)નું નસીબ આખરે ઉજ્જવળ બન્યું છે. તેના પ્રભાવશાળી પ્રદર્શનથી પ્રભાવિત થઈને, સૌરાષ્ટ્રની ટીમે તેને સૈયદ મુશ્તાક અલી ટ્રોફીમાં સામેલ કર્યો છે.
અંડર -19 એશિયા કપ 2026ની ફાઈનલમાં ભારતે પાકિસ્તાનને રોમાંચક મેચમાં 1 વિકેટથી હરાવી શાનદાર ખિતાબ પોતાને નામ કરી છે.
ભારતે અંડર-19 એશિયા કપ 2026ની રોમાંચક ફાઇનલમાં પાકિસ્તાનને 1વિકેટથી હરાવીને ટાઇટલ જીત્યું. મેચનો સાચો હીરો મોહિત ઉલાવા હતો, જેણે છેલ્લા બોલ પર ચોગ્ગો ફટકારીને ટીમને ઐતિહાસિક જીત અપાવી હતી. આ ઉત્કૃષ્ટ પ્રદર્શન માટે તેને નોંધપાત્ર પુરસ્કાર મળ્યો છે.
સૌરાષ્ટ્ર ક્રિકેટ એસોસિએશને તેને સિનિયર ક્રિકેટ સૈયદ મુશ્તાક અલી ટ્રોફી માટે તેની ટીમમાં સામેલ કર્યો છે. હવે તે ચાલુ સૈયદ મુશ્તાક ટ્રોફીમાં સૌરાષ્ટ્ર ટીમ સાથે જોવા મળશે.
ક્રિકબઝના અહેવાલ મુજબ, સૌરાષ્ટ્ર ક્રિકેટ એસોસિએશનના પ્રમુખ જયદેવ શાહે યુવા બેટ્સમેન મોહિત ઉલ્વાકાની પ્રશંસા કરતા કહ્યું કે તેની હિંમત અને બુદ્ધિ ખરેખર પ્રશંસનીય છે.
તેના પ્રભાવશાળી પ્રદર્શનને ધ્યાનમાં રાખીને, સૌરાષ્ટ્ર ક્રિકેટ એસોસિએશને તેને સૈયદ મુશ્તાક અલી ટ્રોફી માટે ટીમમાં સામેલ કરવાનો નિર્ણય લીધો છે.
જયદેવ શાહે એમ પણ કહ્યું કે તેને તાત્કાલિક ઇન્દોર પહોંચવાનું કહેવામાં આવ્યું છે, જ્યાં સૌરાષ્ટ્રની ટીમ પહેલેથી જ રમી રહી છે, અને તે ટૂંક સમયમાં ટીમમાં જોડાશે.
જયદેવ શાહે વધુમાં જણાવ્યું કે મોહિત ખૂબ જ પ્રતિભાશાળી ખેલાડી છે અને રાજકોટ નજીક સુરેન્દ્રનગરના એક સામાન્ય પરિવારમાંથી આવે છે. જોકે, તે હાલમાં રાજકોટમાં રહે છે.
તેમણે ઉમેર્યું કે સૌરાષ્ટ્ર ક્રિકેટ હંમેશા યુવા ખેલાડીઓને પ્રોત્સાહન આપવાનો પ્રયાસ કરે છે, અને તેમને વિશ્વાસ છે કે મોહિત સૈયદ મુશ્તાક અલી ટ્રોફીમાં ટીમમાં એક શાનદાર ખેલાડી સાબિત થશે.
રિપોર્ટ અનુસાર, જો બધું બરાબર રહ્યું અને બધું યોજના મુજબ રહ્યું, તો મોહિત ઉલ્વા હરિયાણા સામે સૌરાષ્ટ્રની આગામી મેચમાં રમવા માટે સંપૂર્ણપણે તૈયાર હશે.
