Breaking News : શું હાર્દિક પંડ્યા હવે માત્ર IPL જ રમી શકશે ? વાપસી પહેલાં જ વધુ 3 મોટી સિરીઝમાંથી બહાર !
હાર્દિક પંડ્યા IPL 2026 ની સિઝન બાદથી જ ક્રિકેટથી દૂર છે અને ભારતીય ટીમ તેની વાપસીની રાહ જોઈ રહી છે. જોકે, ત્રણ અલગ-અલગ પ્રસંગોએ ઈજામાંથી વાપસી કરવાનો પ્રયાસ કરતી વખતે તેને ફરી ઈજા થઈ છે.
ભારતીય ટીમનો સ્ટાર ઓલરાઉન્ડર હાર્દિક પંડ્યાની ફિટનેસ ટીમ માટે ચિંતાનો વિષય બની છે. IPL 2026 ની સિઝન પૂરી થયા બાદથી જ હાર્દિક ક્રિકેટથી દૂર છે. (Image Source | PTI)
IPL દરમિયાન તેને ઈજા થઈ હતી. જેના કારણે તે બે-ત્રણ મેચ રમી શક્યો નહોતો. જોકે, સિઝન પૂરી થયા બાદથી તે સંપૂર્ણપણે ક્રિકેટથી દૂર છે. હવે તેની વાપસી ક્યારે થશે તે મોટો સવાલ છે. સૂત્રો અનુસાર, હાર્દિક હવે સીધો IPL 2027 ની સિઝનમાં જ મેદાન પર વાપસી કરતો જોવા મળી શકે છે. (Image Source | PTI)
હાર્દિક પંડ્યાને તાજેતરમાં ન્યૂઝીલેન્ડ પ્રવાસ માટે જાહેર કરવામાં આવેલી T20 અને વનડે સિરીઝમાં પણ સ્થાન મળ્યું નથી. તે છેલ્લા કેટલાક મહિનાથી બેંગલુરુમાં BCCI ના સેન્ટર ઓફ એક્સેલન્સમાં રિહેબિલિટેશન અને ટ્રેનિંગ લઈ રહ્યો છે. (Image Source | PTI)
સૂત્રો અનુસાર, સપ્ટેમ્બર મહિનામાં ત્યાં મેચ પ્રેક્ટિસ દરમિયાન તેને ફરી સ્ટ્રેસ ઇન્જરી થઈ હતી. તેના કારણે તેની વાપસી ફરી મુલતવી રાખવી પડી હતી અને તેણે ફરીથી રિહેબિલિટેશન શરૂ કર્યું હતું. (Image Source | PTI)
સૂત્રો અનુસાર, આગામી ત્રણ અઠવાડિયામાં હાર્દિક પંડ્યા હળવું દોડવાનું શરૂ કરી શકે છે. ત્યારબાદ ધીમે-ધીમે દોડવાની કસરતનો ભાર વધારવામાં આવશે અને પછી ક્રિકેટની પ્રેક્ટિસ શરૂ કરવામાં આવશે. (Image Source | PTI)
આ સ્થિતિને જોતાં ડિસેમ્બર-જાન્યુઆરીમાં શ્રીલંકા સામેની વનડે અને T20 સિરીઝમાં રમવું હાર્દિક માટે મુશ્કેલ જણાઈ રહ્યું છે. આ ઉપરાંત, જાન્યુઆરી 2027 માં ઝિમ્બાબ્વે સામેની વનડે સિરીઝમાં પણ તેની હાજરી અંગે સવાલ ઊભા થયા છે. ઘરેલુ વ્હાઇટ-બોલ ટુર્નામેન્ટમાં પણ તે ઉપલબ્ધ નહીં રહી શકે તેવી શક્યતા છે. (Image Source | PTI)
IPL 2026 પૂરી થયા બાદથી હાર્દિક પંડ્યાની ભારતીય ટીમમાં વાપસી ઓછામાં ઓછા ત્રણ વખત મુલતવી રહી છે. ત્રણેય વખત રિહેબિલિટેશન દરમિયાન જ તેને ફરી ઈજા થઈ હતી. આમાંથી બે વખત તો તેની ટીમમાં પસંદગી પણ થઈ હતી, પરંતુ બાદમાં ઈજાને કારણે નામ પાછું ખેંચવું પડ્યું હતું. (Image Source | PTI)
આવી સ્થિતિમાં સૌથી મોટો સવાલ એ છે કે શું હાર્દિક પંડ્યા માત્ર બે મહિનાની IPL સિઝન રમવા પૂરતો જ ફિટ રહી શકશે? જો આવું થાય, તો 2027 ના વર્લ્ડ કપ માટે ભારતીય ટીમની યોજનાઓ પર તેની શું અસર પડશે? (Image Source | PTI)
Published On - 1:49 pm, Wed, 21 October 26
