Breaking News: ભારતની એક એવી કંપની જેના શેર ખરીદવા માટે લાખો લોકોની લાગી લાઇન… 4,04,44,411 ખરીદ ઓર્ડર બાકી, વેચનારાઓની સંખ્યા શૂન્ય!
વેદાંતા ગ્રુપની ચાર નવી કંપનીઓનું શેરબજારમાં ધમાકેદાર લિસ્ટિંગ થયું છે. તેમાંથી વેદાંતા આયર્ન એન્ડ સ્ટીલ લિમિટેડમાં 4 કરોડથી વધુ બાય ઓર્ડર પેન્ડિંગ જોવા મળ્યા, જ્યારે વેચનાર કોઈ નહોતું!
ભારતીય શેરબજારના ઇતિહાસમાં આજે સોમવાર, 15 જૂન 2026ના રોજ એક અભૂતપૂર્વ દ્રશ્ય જોવા મળ્યું છે. દિગ્ગજ બિઝનેસમેન અનિલ અગ્રવાલની આગેવાની હેઠળના વેદાંતા ગ્રુપે તેની ચાર નવી ડિમર્જ થયેલી કંપનીઓને શેરબજારમાં લિસ્ટ કરાવી છે. આ ચાર કંપનીઓમાંથી એક કંપનીમાં રોકાણકારોનો એવો ક્રેઝ જોવા મળ્યો જે ભારતીય શેરબજારમાં રોજબરોજ જોવા મળતો નથી.
આયર્ન એન્ડ સ્ટીલ કંપનીમાં ભારે ધસારો: આજે લિસ્ટ થયેલી ચાર કંપનીઓમાંથી વેદાંતા આયર્ન એન્ડ સ્ટીલ લિમિટેડમાં રોકાણકારોની ભારે ભીડ જોવા મળી હતી. બજાર ખુલતાની સાથે જ આ કંપનીના શેર ખરીદવા માટે 4,04,44,411 થી વધુ ઓર્ડર પેન્ડિંગ થઈ ગયા હતા, જ્યારે તેની સામે આ શેર વેચવા માટે એક પણ સેલર ઉપલબ્ધ નથી! વેચનારાઓની સંખ્યા શૂન્ય રહેતા આ શેરમાં ભારે તેજીનો માહોલ જોવા મળી રહ્યો છે.
વેદાંતા ગ્રુપની કઈ 4 કંપનીઓ થઈ લિસ્ટ? લાંબા સમયથી જેની રાહ જોવાઈ રહી હતી તે પુનર્ગઠન (Restructuring) પ્રક્રિયા પૂર્ણ કરીને વેદાંતા ગ્રુપે તેની ચાર મુખ્ય નવગઠિત કંપનીઓને સોમવારે માર્કેટમાં લિસ્ટ કરી દીધી છે: વેદાંતા એલ્યુમિનિયમ મેટલ લિમિટેડ, વેદાંતા ઓઈલ એન્ડ ગેસ લિમિટેડ, વેદાંતા પાવર લિમિટેડ, વેદાંતા આયર્ન એન્ડ સ્ટીલ લિમિટેડ
શેરધારકોને કેવી રીતે મળ્યા શેર? ડિમર્જરની યોજના હેઠળ, વેદાંતા લિમિટેડે પોતાના એલ્યુમિનિયમ, તેલ અને ગેસ, પાવર તેમજ લોખંડ અને સ્ટીલના વ્યવસાયોને અલગ-અલગ લિસ્ટેડ કંપનીઓમાં વિભાજિત કર્યા છે. જે રોકાણકારો પાસે રેકોર્ડ ડેટ સુધી વેદાંતાનો 1 શેર હતો, તેમને બદલામાં આ ચારેય નવી કંપનીઓનો 1-1 શેર મફતમાં (બોનસ સ્વરૂપે) મળ્યો છે.
કઈ કંપની સૌથી વધુ કિંમતી? બજારના નિષ્ણાતો અને વિશ્લેષકોનું માનવું છે કે લિસ્ટ થયેલી આ ચારેય કંપનીઓમાંથી વેદાંતા એલ્યુમિનિયમ મેટલ લિમિટેડ સૌથી વધુ મૂલ્યવાન સાબિત થઈ શકે છે. અનિલ અગ્રવાલના નેતૃત્વ હેઠળના આ ગ્રુપના અલગ થવાનો મુખ્ય હેતુ તેના વિશાળ કુદરતી સંસાધનોના પોર્ટફોલિયોમાંથી રોકાણકારો માટે વધુમાં વધુ વેલ્યુ ક્રિએટ કરવાનો છે.
આ ઐતિહાસિક લિસ્ટિંગે સાબિત કરી દીધું છે કે વેદાંતા ગ્રુપની નવી કંપનીઓ પર રોકાણકારોનો ભરોસો કેટલો મજબૂત છે.
Published On - 3:11 pm, Mon, 15 June 26
