Breaking News : બંગાળમાં નણંદ ભાભીની લડાઈ, તમિલનાડુના CMનો દીકરો, કેરળના મુખ્યમંત્રી જમાઈ, કોણ જીત્યું કોણ હાર્યું જાણો
બંગાળમાં નણંદ અને ભાભી વચ્ચે લડાઈ જોવા મળી હતી. તમિલનાડુના મુખ્યમંત્રીએ દીકરાને મેદાનમાં ઉતાર્યો હતો. કેરળના મુખ્યમંત્રીએ જમાઈને મેદાનમાં ઉતાર્યા હતા, કોણ જીત્યું? જાણો
પશ્ચિમ બંગાળથી લઈ તમિલનાડુ સુધી અનેક નેતાઓએ તેના પરિવારજનોને આ વખતે ચૂંટણીની ટિકિટ આપી હતી. જેમાં મુખ્યમંત્રીના દીકરાથી લઈ તેનો જમાઈ અને પૂર્વ સીએમનો દીકરો અને તેની દીકરી પણ સામેલ હતી. તો ચાલો જાણીએ રાજકારણના પરિવારમાંથી કોણ જીત્યું.
4 રાજ્ય પશ્ચિમ બંગાળ, તમિલનાડુ, આસામ ,કેરળ અને એક કેન્દ્ર શાસિત પ્રદેશ પુડુચેરીમાં 4 મેના રોજ રિઝલ્ટ છે. આજે સ્પષ્ટ થયું છે. હવે સ્પષ્ટ થઈ ગઈ છે કે, ક્યા રાજ્યમાં કોની સરકાર હશે. આ વખતે અનેક નેતાએ તેના પરિવારના લોકોને ટિકિટ આપી હતી. જેનાથી તેઓ પોતાના રાજકીય વારસાને આગળ વધારી શકે.એવી પણ બેઠકો છે જ્યાં એક જ પરિવારના બે સભ્યો સામસામે છે. વારસાની આ લડાઈમાં વિજેતા અને હારનારનો નિર્ણય આજે લેવામાં આવ્યો છે. ચાલો આવી બેઠકો વિશે જાણીએ.
તમિલનાડુના મુખ્યમંત્રી એમકે સ્ટાલિન આ વખતે પાર્ટીનો ગઢ મનાતી કોલાથુર વિધાનસભામાં દાવેદારી રજુ કરી રહી છે.તેનો દીકરો અને નાયબ મુખ્યમંત્રી ઉદયનિધિ સ્ટાલિન ચેપોક તિરુવલ્લિકની સીટ પરથી ચૂંટણી લડી હતી. તે રાજ્યની રાજનીતિમાં સૌથી શક્તિશાળી વ્યક્તિના રુપે સામે આવ્યા છે.ઉદયનિધિ સ્ટાલિન ચેપોક તિરુવલ્લિકની સીટ પરથી ચૂંટણી જીતી છે.
હવે કેરળની વાત કરીએ તો પિનરાઈ વિજનયના જમાઈ અને મંત્રી બેપોર સીટથી ચૂંટણી લડી રહ્યા છે.સીએમ વિજયનની દીકરી વીણા તેની પત્ની છે.રિયાસે અગાઉ 2021માં સીપીઆઈ(એમ)ની ટિકિટ પર બેપોરથી ચૂંટણી જીતી હતી. તેઓ વિજયન સરકારમાં પીડબ્લ્યુડી અને અન્ય વિભાગોના મંત્રી પણ છે.વિજયનના જમાઈની જીત થઈ છે.
બંગાળની બગદાહ બેઠક પર આ વખતે ખાસ રસપ્રદ મુકાબલો જોવા મળી રહ્યોહતો.ભાભી મધુપર્ણા ઠાકુર, ટીએમસીની ટિકિટ પર ચૂંટણી લડી રહ્યા છે, જ્યારે તેમના ભાભી, સોમા ઠાકુર, ભાજપની ટિકિટ પર ચૂંટણી લડી રહ્યા છે. આને માતુઆ સમુદાયના ઠાકુરબારી પરિવારમાં આંતરિક લડાઈ કહેવામાં આવી રહી છે. મધુપર્ણા હાલમાં બગદાહથી ધારાસભ્ય છે અને કેન્દ્રીય મંત્રી શાંતનુ ઠાકુરની બહેન છે. આ દરમિયાન, શાંતનુ ઠાકુરની પત્ની, સોમા ઠાકુર, તેમને પડકાર આપી રહી હતી.ભાજપની સોમા ઠાકુરની જીત થઈ છે.
બંગાળ વિધાનસભામાં વિપક્ષના નેતા, સુવેન્દુ અધિકારી, ભાજપની ટિકિટ પર નંદીગ્રામ અને ભવાનીપુરથી ચૂંટણી લડી હતી. એક સમયે ટીએમસીના અગ્રણી નેતા અને મમતા બેનર્જીના નજીકના વિશ્વાસુ, અધિકારી હવે રાજ્યમાં વિપક્ષના નેતા છે. તેમના પિતા, શિશિર અધિકારી અને ભાઈ પણ રાજકીય દિગ્ગજ છે. સુવેન્દુ અધિકારીએ મુખ્યમંત્રી મમતા બેનર્જીને 15 હજારથી વધુ મતોથી હરાવીને ભાજપનો વિજયધ્વજ લહેરાવ્યો છે.
