ઘટતા બજાર વચ્ચે આવી ‘ખુશખબરી’, આ કંપની આપવા જઈ રહી છે ફ્રી ‘Bonus Share’
શેરબજારના રોકાણકારો માટે એક મહત્વના અને ખુશખબર સામે આવ્યા છે. ઘટતા બજાર વચ્ચે એક જાણીતી કંપનીએ પોતાના શેરધારકોને બોનસ શેર આપવાની જાહેરાત કરી છે. ખાસ વાત એ છે કે, કંપનીએ આ માટેની રેકોર્ડ ડેટ પણ નક્કી કરી દીધી છે.
7 જૂન 2026 ના રોજ કંપનીના શેરધારકોએ ઈ-વોટિંગ દ્વારા 'બોનસ શેર' જાહેર કરવાના પ્રસ્તાવને મંજૂરી આપી દીધી હતી. હવે કંપનીએ આ માટે 17 જૂન 2026ના રોજ રેકોર્ડ ડેટ નક્કી કરી દીધી છે. જો કોઈ રોકાણકારનું નામ 17 જૂન સુધી કંપનીના રેકોર્ડમાં શેરધારક તરીકે નોંધાયેલું હશે, તો તેને બોનસ શેરનો લાભ મળશે.
Brigade Enterprises કંપનીએ 1:3 બોનસ શેરની જાહેરાત કરી છે. સરળ ભાષામાં સમજીએ તો, જો તમારી પાસે કંપનીના 3 શેર છે, તો તમને 1 વધારાનો શેર મફત મળશે. જો તમારી પાસે 300 શેર છે, તો તમને 100 બોનસ શેર મળશે.
કંપનીએ એક્સચેન્જને આપેલી માહિતીમાં જણાવ્યું છે કે, રેકોર્ડ ડેટ 17 જૂન 2026 રહેશે. ત્યારબાદ 18 જૂન 2026 ના રોજ બોનસ શેરની ડીમ્ડ એલોટમેન્ટ (Deemed Allotment) માનવામાં આવશે. કંપનીએ એ પણ જણાવ્યું છે કે, ત્યારબાદના આગામી ટ્રેડિંગ દિવસથી બોનસ શેર ટ્રેડિંગ માટે ઉપલબ્ધ થઈ જશે.
બોનસ શેર જાહેર થવાથી કંપનીના કુલ શેરની સંખ્યા વધી જાય છે પરંતુ રોકાણકારની કુલ હિસ્સેદારીની ટકાવારી બદલાતી નથી. જો કે, બજારમાં બોનસ શેરને ઘણીવાર સકારાત્મક સંકેત માનવામાં આવે છે. આનાથી એવો સંદેશ જાય છે કે, કંપની પોતાના રોકાણકારોને પુરસ્કૃત કરવા માંગે છે. આ જ કારણ છે કે, બોનસ શેર સાથે જોડાયેલા સમાચારો પર રોકાણકારોની ખાસ નજર રહે છે.
હાલમાં Brigade Enterprises ના શેરમાં બજારની નબળાઈની અસર ચોક્કસપણે જોવા મળી અને શેર 643.15 રૂપિયા પર બંધ થયો. જો કે, હવે બજારની નજર રેકોર્ડ ડેટ પર છે. એકંદરે, ઘટતા બજાર વચ્ચે Brigade Enterprises એ પોતાના શેરધારકોને બોનસ શેરની ભેટ આપીને પોતાને ચર્ચામાં લાવી દીધું છે.
