BJP સાંસદની ‘ભોજપુરી દીકરી’ પાછળ કાયલ થયા ‘ગુજરાતી છોકરાઓ’, નેતાની છોકરી આગળ બોલિવૂડની હિરોઈનો પણ ‘ફેઈલ’
ભોજપુરી સુપરસ્ટારની દીકરી આજકાલ એક રિયાલિટી શોને કારણે ખૂબ જ ચર્ચામાં છે. પિતાના પગલે ચાલીને એક્ટિંગમાં કરિયર બનાવી રહેલી ભોજપુરી સુપરસ્ટારની દીકરી તેની સુંદરતા અને ગ્લેમરસ સ્ટાઈલને કારણે સોશિયલ મીડિયા પર ધૂમ મચાવી રહી છે.
ભોજપુરી સુપરસ્ટાર રવિ કિશનની દીકરી રીવા આજકાલ પ્રાઇમ વીડિયોના રિયાલિટી શો ‘અલાયન્સ’માં પોતાના પિતા સાથે જોવા મળી રહી છે. બંનેનું શાનદાર બોન્ડિંગ સોશિયલ મીડિયા પર ખૂબ છવાયું છે. રીવા પોતાના પિતાના પગલે ચાલીને એક્ટિંગમાં પોતાની કારકિર્દી બનાવવા માંગે છે.
સોશિયલ મીડિયા પર આ સ્ટારકિડ પોતાના ગ્લેમરસ અને સિઝલિંગ ફોટોઝને લઈને છવાયેલી રહે છે. તે અવારનવાર પોતાના સ્ટાઇલિશ અને સ્ટનિંગ ફોટોશૂટની તસવીરો શેર કરતી રહે છે, જેને લાખો લોકો પસંદ કરે છે.
ટ્રેડિશનલ લુક હોય, વેસ્ટર્ન આઉટફિટ હોય કે પછી કેઝ્યુઅલ ફેશન, રીવા દરેક અવતારમાં પોતાની ફેશન સેન્સ અને કોન્ફિડન્સથી લોકોનું ધ્યાન ખેંચે છે. ઇન્સ્ટાગ્રામ પર તેના 1.6 મિલિયનથી વધુ ફોલોઅર્સ છે.
રવિ કિશનની દીકરી રીવાનો જન્મ 4 જુલાઈ 1996 ના રોજ મુંબઈમાં રવિ કિશન અને પ્રીતિ કિશનના ઘરે થયો હતો. તેને એક ભાઈ સક્ષમ અને બે બહેન તનિષ્ક-ઈશિતા શુક્લા છે. રીવાએ પોતાનો અભ્યાસ મુંબઈથી પૂરો કર્યો. બાદમાં અમેરિકાની એક્ટિંગ કોર્પ્સ ઇન્સ્ટિટ્યૂટમાંથી એક્ટિંગ અને ફિલ્મ નિર્માણમાં બેચલરની ડિગ્રી મેળવી.
રીવા કિશને એક્ટિંગની શરૂઆત થિયેટરથી કરી હતી. તેણે પીઢ અભિનેતા નસીરુદ્દીન શાહના થિયેટર ગ્રુપમાંથી એક વર્ષની એક્ટિંગ ટ્રેનિંગ લીધી અને ત્યારબાદ તેમની દીકરી હીબા શાહ સાથે ‘પરિંદો કી મહેફિલ’ નાટકમાં પણ કામ કર્યું.
વર્ષ 2020માં રીવાએ બોલિવૂડ ફિલ્મ ‘સબ કુશલ મંગલ’થી ડેબ્યૂ કર્યું હતું. આ ફિલ્મમાં તે પ્રિયાંક શર્માની ઓપોઝિટ જોવા મળી હતી. આ પછી તે ઘણી કોસ્મેટિક બ્રાન્ડ્સનો ચહેરો બની અને વર્ષ 2023માં ઝુબિન નૌટિયાલના મ્યુઝિક વીડિયો ‘બેવફા સે પ્યાર કિયા’માં પણ જોવા મળી હતી. રીવાની ફિલ્મોની યાદીમાં ‘ચાર ચતુર નાર’ પણ જોડાયેલ છે.
