Stock Market : 1 શેર પર થશે 600 રૂપિયાનો નફો, આ સ્ટોક હવે રોકેટ બનવાની તૈયારીમાં; રોકાણકારોના ખિસ્સા ભરાશે
બજારમાં ત્રિમાસિક પરિણામો સતત જાહેર થઈ રહ્યા છે. હવે આ પરિણામોના આધારે બ્રોકરેજ હાઉસ સ્ટોક્સની સમીક્ષા કરી રહ્યા છે અને રોકાણ માટે પોતાની સલાહ આપી રહ્યા છે.
રવિવારે BSE 500 માં સમાવિષ્ટ સિમેન્ટ કંપનીને લઈને રોકાણ કરવાની સલાહ આપવામાં આવી છે. Choice Institutional Equities એ આ સ્ટોકમાં પોતાની રોકાણની સલાહ જાળવી રાખી છે. બજેટના દિવસે બજારમાં જોવા મળેલા ભારે ઘટાડા વચ્ચે આ સ્ટોક પણ નીચે ગગડ્યો હતો. જો કે, વર્તમાન ભાવ અને આપવામાં આવેલા ટાર્ગેટ મુજબ આ સ્ટોકમાં આશરે 61 ટકા જેટલો ઉછાળો આવવાની શક્યતા છે.
બ્રોકરેજ હાઉસના રિપોર્ટમાં જણાવવામાં આવ્યું છે કે, વોલ્યુમ, રિયલાઈઝેશન, EBITDA પ્રતિ ટન અને EBITDA સાથે જોડાયેલા અંદાજોમાં સામાન્ય સુધારો કરવામાં આવ્યો છે. બીજું કે, કંપની અનુસાર આ સકારાત્મક દૃષ્ટિકોણ પાછળ ઘણા મહત્વપૂર્ણ કારણો છે.
આમાં સમગ્ર સેક્ટરમાં અનુકૂળ પરિસ્થિતિઓ, ખાસ કરીને સારી પ્રાઈસિંગ વાતાવરણ, કંપનીની વિસ્તરણ યોજનાઓ, જેમાં FY29E સુધી ક્ષમતા 7.5 મિલિયન ટન વધારીને 27.5 મિલિયન ટન કરવાનું લક્ષ્યાંક ધરાવે છે. આ સિવાય બ્લેન્ડેડ સિમેન્ટની હિસ્સેદારી વધારવાની વ્યૂહરચના, પ્રીમિયમ પ્રોડક્ટ્સ અને ટ્રેડ સેલ્સ પર વધતો ફોકસ, જેના કારણે રિયાલાઇઝેશનમાં સુધારો થશે.
બ્રોકરેજ હાઉસે અંદાજ વ્યક્ત કર્યો છે કે, FY25-FY28E દરમિયાન કંપનીનો EBITDA 14% ના CAGR (કમ્પાઉન્ડેડ એન્યુઅલ ગ્રોથ રેટ) થી વધશે. કંપની માટે એક વર્ષની ફોરવર્ડ ટાર્ગેટ પ્રાઇસ શેર દીઠ ₹1,650 આપવામાં આવી છે.
રવિવારે Birla Corporation Ltd નો સ્ટોક 3 ટકાની આસપાસના ઘટાડા સાથે 1025.20 ના સ્તર પર બંધ થયો છે. આનો અર્થ છે કે, અહીંથી સ્ટોકમાં અંદાજિત 60.7 ટકાના ઉછાળો જોવા મળી શકે છે.
