લિસ્ટિંગના 3 દિવસમાં 170 ટકા વધ્યા બાદ સતત ઘટી રહ્યો છે Bajaj Housing Finance, જાણો હજુ કેટલો ઘટશે
Bajaj Housing Financeના શાનદાર લિસ્ટિંગ બાદ હવે તેમાં સતત ઘટાડો થઈ રહ્યો છે. કંપનીના શેર ગયા મહિને 16 સપ્ટેમ્બરે રૂપિયા 70ના IPOની કિંમત સામે રૂપિયા 150 પર લિસ્ટ થયા હતા. લિસ્ટિંગના ત્રીજા દિવસે આ શેર ઓલ ટાઈમ હાઈ રૂ.188.45 પહોંચી ગયો હતો. ત્યાર બાદ તે સતત ઘટી રહ્યો છે. ત્યારે આ લેખમાં જાણીશું કે, આ શેર હજુ કેટલો ઘટશે.
Bajaj Housing Finance લિમિટેડના શેરના શાનદાર લિસ્ટિંગ બાદ હવે તેમાં સતત ઘટાડો થઈ રહ્યો છે. તમને જણાવી દઈએ કે કંપનીના શેર ગયા મહિને 16 સપ્ટેમ્બરે રૂપિયા 70ના IPOની કિંમત સામે રૂપિયા 150 પર લિસ્ટ થયા હતા.
લિસ્ટિંગના ત્રીજા દિવસે આ શેર ઓલ ટાઈમ હાઈ રૂ.188.45 પહોંચી ગયો હતો એટલે કે તેણે ત્રણ દિવસમાં લગભગ 170 ટકા વળતર આપ્યું હતું. ત્યાર બાદ તે સતત ઘટી રહ્યો છે.
Bajaj Housing Financeનો શેર છેલ્લા 12 ટ્રેડિંગ દિવસોમાં 28 ટકા ઘટ્યો છે. આ શરે આજે એટલે કે 7 ઓક્ટોબરના રોજ આ લેખ લખાય છે, ત્યાં સુધીમાં 8 ટકાના ઘટાડા સાથે રૂપિયા 138 પર પહોંચ્યો છે.
1 Hour time frame પરના Indicators અનુસાર, બજાજ હાઉસિંગ ફાઇનાન્સની કિંમત હજુ પણ નીચે જઈ શકે છે.
હાલના downside trend મુજબ બજાજ હાઉસિંગના શેરની કિંમત 120 રૂપિયા સુધી જઈ શકે છે. જે હાલ 138 રૂપિયા છે.
Bajaj Housing Financeમાં ક્યારે Reversal થવાની શક્યતા છે ? તેના વિશે વાત કરીએ તો, ચાર્ટમાં ચાર તારીખો આપવામાં આવી છે. પહેલીવાર Reversal 18મી ઓક્ટોબર 2024ના રોજ આવી શકે છે. ત્યાર બાદ 04 નવેમ્બર, પછી 18 નવેમ્બર અને આ વર્ષની છેલ્લી Reversal 17મી ડિસેમ્બરે આવી શકે છે. આ તારીખોમાં 2 દિવસ ઉપર નીચે થઈ શકે છે.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.
Published On - 2:56 pm, Mon, 7 October 24