ATMમાં પૈસા કપાયાનો મેસેજ આવી ગયો પણ Cash ના મળ્યા? હવે શું કરવું? જાણો RBI ના નિયમ વિશે
ATMમાંથી પૈસા ઉપાડતી વખતે જો ખાતામાંથી ડેબિટનો મેસેજ આવી જાય પણ હાથમાં કેશ ન આવે, તો સૌથી પહેલો વિચાર એ જ આવે કે હવે આગળ શું કરવું? શું આ પૈસા ઓટોમેટિક પાછા આવી જશે કે બેંકના ધક્કા ખાવા પડશે? જો નક્કી કરેલા દિવસોમાં પૈસા પાછા ન મળે, તો ક્યાં ફરિયાદ કરવી અને બેંક પાસેથી વળતર મેળવવા માટે કયા નિયમો જાણવા જરૂરી છે?
જો એટીએમ (ATM) માંથી નાણાં ઉપાડતી વખતે તમારા બેંક એકાઉન્ટમાંથી રકમ કપાઈ જાય પરંતુ ATM માંથી કેશ બહાર ન આવે, તો ગભરાવાની જરૂર નથી. આવી સ્થિતિને નિષ્ફળ ATM ટ્રાન્ઝેક્શન (Failed ATM Transaction) માનવામાં આવે છે.
બેંકે નિર્ધારિત સમયમર્યાદાની અંદર તમારા ખાતામાં કપાયેલી રકમ પરત કરવી પડે છે. જો નક્કી કરેલા સમયમાં પૈસા પાછા ન મળે, તો ગ્રાહક બેંકમાં ફરિયાદ નોંધાવી શકે છે.
આ સિવાય, RBI ના નિયમો હેઠળ નક્કી સમયમર્યાદામાં નિકાલ ન આવે તો ગ્રાહક RBI ની ફરિયાદ પ્રણાલી દ્વારા પણ ફરિયાદ કરી શકે છે અને લાગુ નિયમો અનુસાર વળતર મેળવવા માટે હકદાર બની શકે છે. એવામાં ATM ટ્રાન્ઝેક્શન નિષ્ફળ જાય ત્યારે રસીદ, SMS અને ટ્રાન્ઝેક્શનની વિગતો સાચવીને રાખો.
જો ATM માંથી પૈસા ઉપાડતી વખતે તમારા ખાતામાંથી રકમ કપાઈ જાય પરંતુ ATM માંથી કેશ ન નીકળે, તો સૌથી પહેલાં ટ્રાન્ઝેક્શન સાથે જોડાયેલી વિગતો સુરક્ષિત રાખો. ત્યારબાદ ખાતામાંથી પૈસા કપાયાનો SMS, બેંક એપમાં દેખાઈ રહેલી ટ્રાન્ઝેક્શન ડિટેલ અથવા ATM ની રસીદને સુરક્ષિત રાખો.
હવે જે ATM માંથી પૈસા ઉપાડવાનો પ્રયાસ કર્યો હતો, તેનું લોકેશન (સરનામું) તેમજ ટ્રાન્ઝેક્શનની તારીખ અને સમય પણ નોંધી લો. તમારી બેંકની મોબાઇલ એપ, નેટ બેંકિંગ અથવા કસ્ટમર કેર દ્વારા વહેલામાં વહેલી તકે ફરિયાદ નોંધાવો. ફરિયાદનો રેફરન્સ નંબર પણ સાચવીને રાખો.
RBI ના નિયમો અનુસાર, ATM માંથી કેશ ન નીકળવા પરંતુ ખાતામાંથી રકમ કપાઈ જવા વાળા નિષ્ફળ ટ્રાન્ઝેક્શનમાં બેંકે ટ્રાન્ઝેક્શનની તારીખથી 5 કેલેન્ડર દિવસની અંદર રકમ પરત કરવાની રહે છે.
જો નિર્ધારિત સમયની અંદર રકમ પાછી ન મળે, તો પહેલાં બેંકમાં ફરિયાદ કર્યા બાદ RBI ના Complaint Management System (CMS) દ્વારા ફરિયાદ નોંધાવી શકાય છે. નોંધનીય છે કે, નિર્ધારિત સમયમર્યાદા પૂરી થયા પછી પણ રકમ પાછી ન મળે તો RBI ના નિયમો મુજબ ગ્રાહકને દિવસના ₹100 લેખે વળતર મળી શકે છે, જ્યાં સુધી રકમ ખાતામાં પાછી જમા ન થઈ જાય.
Published On - 2:28 pm, Wed, 23 September 26
