Air Cooler vs AC vs Fan : કૂલર, AC કે ફેન ? શરીર માટે સૌથી સેફ શું?
ઉનાળાના દરમિયાન મોટાભાગે લોકો કૂલર, AC અને પંખાનો વપરાશ કરે છે. પરંતુ આ 3માંથી સ્વાસ્થ માટે સૌથી સારો વિકલ્પ કયો છે તે અંગે ઘણા લોકો અજાણ હોય છે.
નિષ્ણાતોના મતે, સામાન્ય રીતે ફેન સૌથી સુરક્ષિત હોય છે. કારણ કે તે કુદરતી ઠંડક આપે છે અને શરીર પર તેની નકરાત્મક કે ખરાબ અસર થતી નથી.
કૂલર, AC કરતા વધુ નેચરલ ઠંડી હવા આપી શકે છે. કારણ કે કૂલરમાં પાણી હોય છે. પાણીમાં હવા મળે ત્યારે કૂલર ઠંડી હવા છોડે છે. પરંતુ ભેજવાળા વાતાવરણમાં કૂલર ઓછો અસરકારક સાબિત થઈ શકે છે.
કૂલરની યોગ્ય સફાઈ રાખવી જરૂરી હોય છે.જો કૂલરને સાફ કરવામાં નહીં આવે તો તેમાં બેક્ટેરિયા વધી શકે છે અને તેનાથી એલર્જીની સમસ્યા ઊભી થઈ શકે છે.
ACને સૌથી વધુ આરામદાયક વિકલ્પ માનવામાં આવે છે પરંતુ લાંબા સમય સુધી AC રૂમમાં બેસવાથી અથવા કામ કરવાથી શરીરને નુકસાન પહોંચી શકે છે.
ACથી સ્કિન ડ્રાય બનાવે છે. વધુમાં નિષ્ણાતોના મતે, વધારે AC રૂમમાં બેસવાથી ગળામાં ઈન્ફેક્શન, માથાનો દુખાવો અને શ્વાસની સમસ્યા ઊભી થઈ શકે છે.
નિષ્ણાતોના મતે , સામાન્ય ગરમીમાં ફેન અને કૂલર વધુ સારો વિકલ્પ છે. જ્યારે ભારે ગરમીમાં ACનો મર્યાદિત અને યોગ્ય ઉપયોગ કરવો જોઈએ.
નોંધ: અહીં, પૂરી પાડવામાં આવેલી વિગતો માત્ર રિપોર્ટ્સ મુજબ આધારિત છે. TV9 ગુજરાતી કોઈપણ પ્રકારની માહિતીને સમર્થન આપતું નથી.
