50 પ્રજાતિના 10 લાખથી વધુ ફુલો અને વિવિધ પુષ્પોથી સજેલી બેનમૂન કલાકૃતિઓને જોયા બાદ તમે પણ બોલી ઉઠશો વાહ- જુઓ તસવીરો
અમદાવાદ ઇન્ટરનેશનલ ફ્લાવર શો 2025ની શાનદાર શરૂઆત થઈ ચુકી છે. જેમા 50 થી વધુ પ્રજાતિના 10 લાખથી વધુ ફૂલોનો સમાવેશ થાય છે. પ્રાણીઓ, પક્ષીઓ અને ઐતિહાસિક ઈમારતોની ફૂલોમાંથી બનાવેલી પ્રતિકૃતિઓ મુખ્ય આકર્ષણ છે. QR કોડ દ્વારા ઓડિયો માર્ગદર્શન પણ ઉપલબ્ધ છે. આ ફ્લાવર શો 22 જાન્યુઆરી સુધી ખુલ્લો રહેશે અને ટિકિટની કિંમત 70 થી 100 રૂપિયા છે.
QR કોડ બનશે ગાઈડ: ફ્લાવર શોના મુલાકાતીઓ QR કોડ સ્કેન કરી વિવિધ ફૂલોની જાતો, માટીના શિલ્પો અને ઝોન વિશે ઓડિયો માર્ગદર્શન લઈ શકે છે.
આ રીતે કરાયુ ફ્લાવર શો નું આયોજન: આ ફ્લાવર શોમાં અનેક સ્વતંત્ર કોર્પોરેટ અને સરકારી સંસ્થાઓ ભાગીદાર તરીકે જોડાઈ છે.
પીએમ મોદીના સૂચનો અનુસાર પ્રદર્શન: વડા પ્રધાન નરેન્દ્ર મોદીના સૂચનો મુજબ (ગત વર્ષે તેમની મુલાકાત દરમિયાન), જનભાગીદારી પર ભાર મૂકવામાં આવ્યો છે.
10 લાખથી વધુ ફુલોનું પ્રદર્શન:ફ્લાવર શો ને છ ઝોનમાં વહેંચવામાં આવ્યો છે, જેમાં 50 પ્રજાતિના 10 લાખથી વધુ ફૂલો અને 30 થી વધુ માટીની બેનમૂન કલાકૃતિઓ, શિલ્પો પ્રદર્શિત કરવામાં આવ્યા છે.
2013માં પ્રથમવાર કરાયુ હતુ આયોજન: 2013માં 'સાબરમતી રિવરફ્રન્ટ' ખાતે પ્રથમ ફ્લાવર શોનું આયોજન કરવામાં આવ્યું હતું અને તે સમયે નરેન્દ્ર મોદી રાજ્યના મુખ્યમંત્રી હતા.
400 મીટર લાંબી ફુલોની દિવાલ: ગયા વર્ષે, ફૂલોની પ્રખ્યાત 400 મીટર લાંબી દિવાલ માટે ગિનીસ વર્લ્ડ રેકોર્ડ્સમાં પણ આ ફ્લાવર શોની નોંધણી કરવામાં આવી હતી.
ગત વર્ષે 20 લાખ લોકોએ લીધી હતી મુલાકાત: ગયા વર્ષે ઇન્ટરનેશનલ ફ્લાવર શોમાં લગભગ 20 લાખ મુલાકાતીઓ આવ્યા હતા અને આ વર્ષે ગત વર્ષનો રેકોર્ડ પણ તૂટી જશે.
Published On - 6:24 pm, Mon, 6 January 25
