Acidity Relief : પાર્ટીમાં વધારે ખાધા પછી એસિડિટીથી પરેશાન છો? આ ઉપાયો અજમાવો અને મેળવો રાહત
Acidity Relief : જો તમે ક્રિસમસ પાર્ટીમાં વધારે ખાધા પછી ગેસ અને પેટમાં ભારે થવાની સમસ્યાથી પરેશાન છો, તો આ ઘરગથ્થુ ઉપચાર આ સમસ્યાને ઓછી કરવામાં કારગર સાબિત થઈ શકે છે.
ખ્રિસ્તી ધર્મના લોકો માટે ક્રિસમસ ખૂબ જ ખાસ હોય છે. ઘરને શણગારવામાં આવે છે અને ભોજનની વિશેષ વ્યવસ્થા કરવામાં આવે છે. તમારા પરિવારના તમામ સભ્યો અને મિત્રો સાથે બેસીને સ્વાદિષ્ટ વાનગીઓનો આનંદ માણો. ક્રિસમસ કેક, પાઈ, કુકીઝ અને અન્ય ઘણી વાનગીઓ બનાવવામાં આવે છે.
ક્રિસમસ પાર્ટીમાં ઘણા પ્રકારનાં ડ્રિંક્સ અને વસ્તુઓ તૈયાર કરવામાં આવે છે પરંતુ તેના કારણે પેટમાં ભારેપણું, ગેસ અને પેટનું ફૂલવું જેવી પાચનક્રિયા સંબંધિત સમસ્યાઓ થઈ શકે છે જો તમે પણ ક્રિસમસ પાર્ટીમાં વધુ પડતું ખાવાના કારણે ગેસ અથવા અપચોની સમસ્યાનો સામનો કરી રહ્યા છો, તો આ ઘરેલું ઉપાયોથી રાહત મળી શકે છે.
લીંબુ પાણી : લીંબુ પાણી ગેસની સમસ્યાને દૂર કરવામાં મદદરૂપ સાબિત થઈ શકે છે. તે શરીરમાં રહેલા ઝેરી તત્વોને દૂર કરવામાં પણ મદદ કરે છે. તેથી ગેસની સમસ્યાથી રાહત મેળવવા માટે તમે લીંબુ પાણી પી શકો છો. હૂંફાળા પાણીમાં લીંબુનો રસ નાખીને પીવાથી ગેસની સમસ્યામાં રાહત મળે છે.
અજમા અને સંચળ : અજમા અને સંચળનું મિશ્રણ પાચનક્રિયાને ઝડપી બનાવવામાં અને ગેસની સમસ્યાથી રાહત અપાવવામાં મદદ કરી શકે છે. અડધી ચમચી અજમામાં એક ચપટી મીઠું ભેળવીને હૂંફાળા અથવા સામાન્ય પાણી સાથે પીવો. તેનાથી ગેસની સમસ્યામાંથી તાત્કાલિક રાહત મળી શકે છે.
હીંગ : હીંગમાં બળતરા વિરોધી અને એન્ટીઑકિસડન્ટ ગુણ હોય છે, જે પાચનતંત્રને સુધારવામાં મદદ કરે છે. તે ગેસની સમસ્યાથી પણ રાહત અપાવવામાં મદદ કરી શકે છે. એક ગ્લાસ નવશેકા પાણીમાં એક ચપટી હિંગ નાખીને બરાબર મિક્ષ કરી લો. આને પીવાથી ગેસની સમસ્યામાં પણ રાહત મળે છે.
વરિયાળી : વરિયાળીમાં ફાઈબર, એન્ટીઓક્સીડેન્ટ અને પાચન સુધારવાના ગુણ હોય છે. તે પેટમાં ગેસ, પેટનું ફૂલવું અને ભારેપણું ઘટાડવામાં મદદ કરી શકે છે. એક ચમચી વરિયાળી લો અને તેને એક કપ પાણીમાં નાખીને ઉકાળો. પાણી અડધું થઈ જાય ત્યાં સુધી ઉકાળીને તેને ગાળીને હૂંફાળું પી લો. વરિયાળીનો ઉકાળો પાચનને ઝડપી બનાવે છે અને ગેસને બહાર કાઢવામાં મદદ કરે છે.
Published On - 7:56 am, Thu, 26 December 24