અમદાવાદના વાતાવરણમાં એકાએક પલટો આવતા જોવા મળ્યો ખુશનુમા નજારો- જુઓ આહ્લાદક તસવીરો
હવામાન વિભાગે રાજ્યમાં 3 થી 8 મે દરમિયાન વરસાદી વાતાવરણ રહેવાની આગાહી કરી છે. ત્યારે હવામાન વિભાગની આગાહીને સાચી ઠેરવતા આજ સવારથી અમદાવાદ શહેરના વાતાવરણમાં પલટો જોવા મળ્યો અને કાળાડિબાંગ વાદળોએ જાણે સૂરજદેવની સવારીને રોકી દીધી હોય તેવા દૃશ્યો જોવા મળ્યા- જુઓ મન પ્રફુલ્લિત કરી દેતી તસવીરો
હવામાન વિભાગની આગાહી વચ્ચે અમદાવાદના વાતાવરણમાં પલટો જોવા મળ્યો છે. વહેલી સવારથી જ શહેરમાં વાદળછાયુ વાતાવરણ જોવા મળ્યુ છે.
રાજ્યમાં 4 મે થી 8 મે દરમિયાન વરસાદી વાતાવરણ રહેવાની હવામાન વિભાગે આગાહી કરી છે. ત્યારે અમદાવાદમાં વાદળો ગોરંભાયેલા જોવા મળ્યા
આગાહી વચ્ચે અમદાવાદના ગોતા, બોપલ, શીલજ, સેટેલાઈટ સહિતના વિસ્તારોમાં વરસાદી છાંટા જોવા મળ્યા હતા.
છેલ્લા કેટલાય દિવસોથી કાળજાળ ગરમી વચ્ચે આજે અચાનક વાતાવરણમાં પલટો આવતા શહેરીજનો જાણે મૌસમની મજા માણી રહ્યા છે.
એકાએક વાતાવરણમાં ઠંડક પ્રસરી જતા અમદાવાદીઓેએ રાહતનો શ્વાસ લીધો છે અને ખુશનુમા બનેલા મૌસમને માણતા જોવા મળ્યા હતા.
આજ સવારથી વાદળો અને સૂરજ વચ્ચે જાણે સંતાકૂકડી ચાલી રહી હોય તેમ કાળા ડિબાંગ વાદળોએ સૂરજદેવને ઢાંકી દેતા વાતાવરણમાં લો વિઝિબિલિટી જોવા મળી હતી.
વાતાવરણ એકાએક આહ્લલાદક બનતા સવાર સવારમાં નયનરમ્ય નજારો જોવા મળ્યો હતો.
Published On - 11:04 am, Sun, 4 May 25
