નોકરિયાત વર્ગે ચેતવું જરૂરી! ધ્યાન નહીં આપો, તો આ 7 પ્રકારની ‘Income Tax Notice’ આવી શકે છે
જો તમે નોકરી કરતા હોવ અથવા પહેલી વાર તમારું ITR ફાઇલ કરી રહ્યા હોવ, તો તમારે આ 7 નોટિસ વિશે સમજવું જરૂરી છે. આ 7 નોટિસ પર તમે ધ્યાન નહીં આપો, તો ભવિષ્યમાં મુશ્કેલીમાં મુકાઈ જશો.
Section 142(1) - ITR ફાઇલ ન કરવા માટેની નોટિસ: જો તમારી આવક ટેક્સ લાયક છે પરંતુ તમે ITR નહીં ભર્યું હોય, તો આ નોટિસ આવી શકે છે. તેમાં પૂછવામાં આવે છે કે, ટેક્સ લાયક આવક હોવા છતાં તમે રિટર્ન કેમ નથી ભર્યું? આનો જવાબ આપવા માટે પણ તમને 15 દિવસનો સમય મળે છે.
Section 143(2) - ITR ની સ્ક્રૂટિની માટેની નોટિસ: જો ઇન્કમ ટેક્સ વિભાગ તમારું ITR ચકાસવા માંગે છે, તો આ નોટિસ મોકલવામાં આવે છે. આમાં તમારા ક્લેમ, ડિડક્શન્સ અને દસ્તાવેજો માંગવામાં આવી શકે છે. આ નોટિસનો જવાબ આપવા માટેનો સમય પણ લગભગ 15 દિવસ જેટલો હોય છે.
Section 148 - છૂટેલી આવક અંગે નોટિસ: જો આવકવેરા અધિકારીને લાગે કે, કોઈ આવક એસેસમેન્ટમાં સમાવિષ્ટ નથી, તો આ નોટિસ મોકલવામાં આવે છે. તમને જણાવવું પડે છે કે, તમારી ફાઇલનું રી-એસેસમેન્ટ કેમ ન કરવું જોઈએ? આનો જવાબ આપવા માટે 30 દિવસનો સમય આપવામાં આવે છે.
Section 245 - રિફંડ અને બાકી ટેક્સનું એડજસ્ટમેન્ટ: જો તમારું ટેક્સ રિફંડ તમારા પહેલાના બાકીના ટેક્સ સાથે એડજસ્ટ કરવામાં આવ્યું છે, તો આ નોટિસ મોકલવામાં આવે છે. આ નોટિસ પર પણ જવાબ આપવા માટે તમને 30 દિવસનો સમય મળે છે.
Section 154 - ITR માં ભૂલો માટેની નોટિસ: જો ITR પ્રોસેસ કર્યા બાદ કોઈ ભૂલ મળી આવે છે, તો Section 154 હેઠળ નોટિસ મોકલવામાં આવે છે. આ નોટિસ ITR ફાઇલ કર્યાના 4 વર્ષની અંદર મોકલી શકાય છે.
Published On - 4:40 pm, Sun, 16 November 25
