3 થી 4 અઠવાડિયામાં કમાણીનો ‘બમ્પર મોકો’! બ્રોકરેજના હાથ લાગ્યા 3 ‘મજબૂત સ્ટોક’, શોર્ટ ટર્મ માટે ‘શાનદાર તક’
શેરબજારમાં 3 થી 4 અઠવાડિયામાં કમાણી કરવાનો સારો મોકો સામે આવ્યો છે. જાણીતી બ્રોકરેજ ફર્મે એવા 3 ધમાકેદાર સ્ટોક પસંદ કર્યા છે કે, જેમના ટેકનિકલ ચાર્ટ પર મજબૂત બ્રેકઆઉટ અને ભારે વોલ્યુમ જોવા મળી રહ્યું છે. તમામ કી મુવિંગ એવરેજથી ઉપર ટ્રેડ કરી રહેલા આ શેરો ટૂંક જ સમયમાં 19% સુધીનો મોટો ઉછાળો આપી શકે છે.
Axis Direct એ તેની વીકલી ટેકનિકલ પિક્સમાં 3 દમદાર શેરને ઉમેર્યા છે. બ્રોકરેજના જણાવ્યા અનુસાર, ત્રણેય શેરના ચાર્ટ મજબૂત દેખાઈ રહ્યા છે અને તેમાં બ્રેકઆઉટ સાથે વોલ્યુમ તેમજ મોમેન્ટમનો પણ સારો સપોર્ટ મળી રહ્યો છે. આ ત્રણેય શેરને 3 થી 4 સપ્તાહના રોકાણના દ્રષ્ટિકોણથી પસંદ કરવામાં આવ્યા છે.
બ્રોકરેજના જણાવ્યા અનુસાર, Tejas Networks માં મજબૂત રિકવરી, Caplin Point Laboratories માં કન્સોલિડેશન પછી બ્રેકઆઉટ અને Engineers India માં ઘટતી ટ્રેન્ડલાઈનથી ઉપર બ્રેકઆઉટ જોવા મળ્યું છે. બીજું કે, ત્રણેય શેર મુખ્ય મુવિંગ એવરેજથી ઉપર ટ્રેડ કરી રહ્યા છે.
Tejas Networks ની વર્તમાન માર્કેટ પ્રાઈસ 614 રૂપિયા છે. બ્રોકરેજે આ શેરને 600 રૂપિયાથી 588 રૂપિયાના દાયરામાં ખરીદવાની સલાહ આપી છે અને 550 રૂપિયાનો સ્ટોપ લોસ રાખવા કહ્યું છે. બ્રોકરેજના મતે, શેરમાં 14 ટકાથી 17 ટકા સુધીના ઉછાળાની શક્યતા છે અને તેનો ટાર્ગેટ 680 રૂપિયાથી 695 રૂપિયા રાખવામાં આવ્યો છે. રિપોર્ટ અનુસાર, ટેકનિકલ ચાર્ટ પર શેરે પહેલાં સારી તેજી દર્શાવી હતી અને ત્યારબાદ થોડો ઘટાડો આવ્યો હતો.
હવે આ શેર મહત્વપૂર્ણ સપોર્ટ લેવલથી સંભાળીને છેલ્લા બે સપ્તાહમાં મજબૂત તેજી દર્શાવી રહ્યો છે. શેરમાં વધતા વોલ્યુમનો અર્થ એ છે કે, ખરીદીમાં રોકાણકારોની ભાગીદારી મજબૂત થઈ છે. આ સિવાય શેર તેના 20, 50, 100 અને 200 દિવસના મુખ્ય મુવિંગ એવરેજથી ઉપર ટ્રેડ કરી રહ્યો છે, જે લાંબાગાળા માટે મજબૂત ટ્રેન્ડનો સંકેત છે.
Caplin Point Laboratories ની વર્તમાન માર્કેટ પ્રાઈસ 2,811 રૂપિયા છે. Axis Direct એ 2,750 રૂપિયાથી 2,696 રૂપિયાના દાયરામાં ખરીદીની સલાહ આપી છે અને 2,490 રૂપિયાનો સ્ટોપ લોસ આપ્યો છે. શેરમાં 17 ટકાથી 19 ટકા સુધીના ઉછાળાની શક્યતા વ્યક્ત કરવામાં આવી છે અને તેનો ટાર્ગેટ 3,185 રૂપિયાથી 3,230 રૂપિયા રાખવામાં આવ્યો છે. શેર કેટલાક સપ્તાહથી 2,700 રૂપિયાની આસપાસ એક મર્યાદિત દાયરામાં ટ્રેડ કરી રહ્યો હતો. હવે શેર તે દાયરામાંથી બહાર નીકળી ગયો છે, જેને ટેકનિકલ ભાષામાં મજબૂત બ્રેકઆઉટ માનવામાં આવે છે.
ખાસ વાત એ છે કે, બ્રેકઆઉટ સાથે ટ્રેડિંગ વોલ્યુમમાં પણ મોટો ઉછાળો આવ્યો છે. હવે આનાથી તેજીના સંકેતને મજબૂતી મળી શકે છે. શેર તમામ 20, 50, 100 અને 200 દિવસના મુવિંગ એવરેજથી ઉપર છે અને આ એવરેજ પણ ઉપરની તરફ વધી રહ્યા છે. સાપ્તાહિક RSI માં તેજી પણ શેરમાં મજબૂત બુલિશ મોમેન્ટમનો સંકેત આપી રહી છે.
Engineers India ની વર્તમાન માર્કેટ પ્રાઈસ 279 રૂપિયા છે. Axis Direct એ શેરને 275 રૂપિયાથી 269 રૂપિયાના દાયરામાં ખરીદવાની સલાહ આપી છે અને 257 રૂપિયાનો સ્ટોપ લોસ રાખ્યો છે. બ્રોકરેજને શેરમાં 11 ટકાથી 15 ટકા સુધીના ઉછાળાની અપેક્ષા છે અને તેનો ટાર્ગેટ 302 રૂપિયાથી 312 રૂપિયા રાખવામાં આવ્યો છે. ટેકનિકલ ચાર્ટ અનુસાર, શેર પહેલાં ઘટતા ટ્રેન્ડમાં હતો પરંતુ હવે આ ઘટતી ટ્રેન્ડલાઈનની ઉપર નીકળીને બ્રેકઆઉટ આપી ચૂક્યો છે.
બ્રેકઆઉટ દરમિયાન વોલ્યુમ મજબૂત રહ્યું છે. આ એ સંકેત આપે છે કે, બજારમાં ખરીદીનું સમર્થન વધ્યું છે. શેર તેના તમામ મુખ્ય મુવિંગ એવરેજ 20, 50, 100 અને 200 દિવસથી ઉપર ટ્રેડ કરી રહ્યો છે. વીકલી RSI પણ પોઝિટિવ બનેલું છે, જેનાથી શેરમાં તેજીનું મોમેન્ટમ મજબૂત થવાના સંકેત મળી રહ્યા છે.
