‘₹10 લાખ’ બની ગયા ‘₹1.25 કરોડ’! મ્યુચ્યુઅલ ફંડ સ્કીમે બદલી નાખ્યું ‘રોકાણકારોનું ભાગ્ય’, શું તમે પણ આ ફંડમાં પૈસા રોક્યા છે?
મ્યુચ્યુઅલ ફંડમાં યોગ્ય સ્કીમની પસંદગી રોકાણકારનું ભાગ્ય બદલી શકે છે. લાંબાગાળાના આયોજન સાથે જો યોગ્ય સ્કીમ પસંદ કરવામાં આવે, તો નાનું રોકાણ પણ મોટું ફંડ બનાવી આપે છે. એવામાં મ્યુચ્યુઅલ ફંડની આ ખાસ સ્કીમે ₹10 લાખના રોકાણને સીધા ₹1.25 કરોડ બનાવી દીધા છે. શાનદાર રિટર્ન આપીને રોકાણકારોને માલામાલ કરનારી આ સ્કીમે માર્કેટમાં હવે ભારે ચર્ચા જગાડી છે.
મ્યુચ્યુઅલ ફંડમાં યોગ્ય સ્કીમની પસંદગી રોકાણકારનું ભાગ્ય બદલી શકે છે. લાંબાગાળાના આયોજન સાથે જો યોગ્ય સ્કીમ પસંદ કરવામાં આવે, તો નાનું રોકાણ પણ મોટું ફંડ બનાવી આપે છે. એવામાં મ્યુચ્યુઅલ ફંડની આ ખાસ સ્કીમે ₹10 લાખના રોકાણને સીધા ₹1.25 કરોડ બનાવી દીધા છે. શાનદાર રિટર્ન આપીને રોકાણકારોને માલામાલ કરનારી આ સ્કીમે માર્કેટમાં હવે ભારે ચર્ચા જગાડી છે.
મ્યુચ્યુઅલ ફંડની સ્કીમમાં રોકાણ કરતી વખતે ફંડની પસંદગી ખૂબ જ મહત્વપૂર્ણ બની રહે છે. તમે એસઆઈપી (SIP) દ્વારા રોકાણ કરો કે એકસાથે (લમ્પસમ), જો તમે યોગ્ય ફંડ પસંદ કર્યું હશે તો તમારા પર પૈસાનો વરસાદ થશે. ખાસ કરીને લાંબાગાળાના રોકાણમાં આ વાત સંપૂર્ણપણે લાગુ પડે છે.
વાત એમ છે કે, જો તમે વર્ષ 2013 માં 'HDFC Mid Cap Fund Direct Growth' માં 10 લાખ રૂપિયાનું એકસાથે રોકાણ કર્યું હોત, તો આજે તમારા પૈસા વધીને 1.25 કરોડ રૂપિયા થઈ ગયા હોત. આ રિટર્નની ગણતરી ફંડના એનએવી (NAV) માં થયેલી વૃદ્ધિના આધારે કરવામાં આવી છે. આ એક ઓપન એન્ડેડ સ્કીમ છે. આનો અર્થ એ છે કે, આ ફંડમાં ગમે ત્યારે રોકાણ કરી શકાય છે અને ગમે ત્યારે પૈસા ઉપાડી પણ શકાય છે.
HDFC ફંડ હાઉસની આ ઇક્વિટી સ્કીમ મુખ્યત્વે મિડકેપ કંપનીઓના શેર્સમાં રોકાણ કરે છે. ફંડ હાઉસના જણાવ્યા અનુસાર, ફંડનું ધ્યાન દરેક સમયે મિડકેપ સ્ટોક્સમાં ઓછામાં ઓછું 65 ટકા રોકાણ જાળવી રાખવા પર હોય છે. જો કે, આ ફંડ ખૂબ જ ઊંચા જોખમ (હાઈ રિસ્ક) વાળા ફંડની શ્રેણીમાં આવે છે. એવામાં આ ફંડ માત્ર એવા રોકાણકારો માટે યોગ્ય છે, જે જોખમ લઈ શકે છે.
આ ફંડના ડાયરેક્ટ પ્લાનની શરૂઆત 1 જાન્યુઆરી, 2013 ના રોજ થઈ હતી. આ ફંડના હાઇ રિટર્નમાં લાંબાગાળાના ચક્રવૃદ્ધિ વ્યાજ (Long Term Compounding) નો મોટો હાથ છે. મિડકેપ કંપનીઓના શેર્સમાં વધુ ઉતાર-ચઢાવ આવે છે. જો કે, અર્થતંત્ર અને કોર્પોરેટ કમાણી સારી રહેવા પર આ શેર્સનું રિટર્ન પણ વધુ હોય છે. આ ફંડે વિવિધ ક્ષેત્રોની કંપનીઓમાં રોકાણ કર્યું છે, જેનાથી ડાઇવર્સિફિકેશનનો લાભ મળે છે અને સાથે જ જોખમ પણ ઘટી જાય છે.
આ ફંડના ડાયરેક્ટ ગ્રોથ પ્લાનનું લાંબાગાળાનું વાર્ષિક રિટર્ન 20 ટકાથી વધુ રહ્યું છે. આ સ્કીમની શરૂઆત જૂન 2007 માં થઈ હતી પરંતુ તેનો ડાયરેક્ટ પ્લાન જાન્યુઆરી 2013માં શરૂ થયો હતો. આ ફંડનું રિટર્ન શાનદાર રહ્યું છે પરંતુ નિષ્ણાતોનું કહેવું છે કે, કોઈ ફંડના ભૂતકાળના પ્રદર્શનના આધારે તેમાં રોકાણ કરવાનો નિર્ણય લેવો જોઈએ નહીં.
નિષ્ણાતોના મતે, રોકાણકારોએ રોકાણના પોતાના હેતુ, જોખમ લેવાની ક્ષમતા અને રોકાણના સમયગાળાને ધ્યાનમાં રાખીને ફંડની પસંદગી કરવી જોઈએ. ખાસ કરીને ઇક્વિટી ફંડમાં સારું રિટર્ન ત્યારે જ મળે છે, જ્યારે તમે લાંબાગાળાના દ્રષ્ટિકોણથી તેમાં એકસાથે કે એસઆઈપી (SIP) દ્વારા રોકાણ કરો છો.
