મા દુર્ગા (Maa Durga)ની ઉપાસનાના દિવસો ચૈત્ર નવરાત્રી (Chaitra Navratri) હવે અંત તરફ આગળ વધી રહી છે. જો તમે આ દરમિયાન માતા માટે નવ દિવસનું વ્રત રાખ્યું હોય તો ફળાહાર અવશ્ય કર્યો હશે. આ દરમિયાન તમે મખાનાની ખીર બનાવીને ખાધી જ હશે. મખાનાની ખીર પૌષ્ટિક હોવાની સાથે સાથે ખૂબ જ સ્વાદિષ્ટ પણ છે. પરંતુ હવે જો તમને કંઈક અલગ ખાવાનું મન થાય તો મખાનાની ખીરને બદલે તમે આ હલવો પણ ટ્રાય કરી શકો છો. મખાનાનો હલવો (Makhana Halwa) તમારા સ્વાસ્થ્ય માટે ખૂબ જ ફાયદાકારક છે અને એટલો જ સ્વાદિષ્ટ છે કે તમે તેને મહેમાનોની સામે પણ મીઠાઈ તરીકે સર્વ કરી શકો છો. જાણો મખાનાનો હલવો બનાવવાની રીત.
2 કપ મખાના, 1/4 કપ બદામ, 15 થી 20 કાજુ ના ટુકડા, 1/2 કપ કિસમિસ, 1/2 કપ દેશી ઘી, 1 કપ દૂધ અને ખાંડ સ્વાદ મુજબ.
મખાનાની ખીર બનાવવા માટે સૌપ્રથમ મખાનાને શેકી લો, જેથી તેમાં રહેલ ભેજ નીકળી જાય અને તેને સરળતાથી ગ્રાઈન્ડ (પીસાઇ) કરી શકાય. મખાનાને ઠંડુ થવા દો. આ દરમિયાન કિસમિસ, બદામ અને કાજુને પલાળી દો. તેમને ઓછામાં ઓછા 4થી 5 કલાક માટે પલાળવા દો.
બાદમાં ડ્રાયફ્રૂટ્સ સારી રીતે પલાળીને તેનું પાણી નીતારી લો અને તેની બારીક પેસ્ટ બનાવી લો. જો પેસ્ટ બનાવતી વખતે પાણીની જરૂર પડે તો તે જ નીતારેલું પાણીનો ઉપયોગ કરો. આ કારણે પાણીમાં હાજર ડ્રાયફ્રુટ્સના પોષક તત્વો પણ આ પેસ્ટમાં ભળી જશે. પરંતુ પાણીનું પ્રમાણ થોડુ રાખો, જેથી પેસ્ટ વધુ પાતળી ન થઈ જાય.
શેકેલા મખાનાને પણ બારીક પીસી લો. હવે એક કડાઈમાં ઘી નાખીને ગરમ કરો. ધીમી આંચે ડ્રાયફ્રુટ્સની પેસ્ટ નાખીને હળવે હળવે શેકી લો. તેમાં કરકરા પીસેલા મખાના ઉમેરો અને હલાવતા રહો.
બાકીના ડ્રાયફ્રુટ્સનું પાણી દૂધમાં મિક્સ કરો. બાકી ના હોય તો વાંધો નથી. આ પછી આ મિશ્રણમાં સ્વાદ અનુસાર ખાંડ ઉમેરો, ત્યારબાદ દૂધ ઉમેરો અને સતત હલાવતા રહો, જેથી આ મિશ્રણમાં કોઈ ગઠ્ઠો ન રહે. મખાનાનો શીરો તૈયાર છે, તેને ડ્રાયફ્રૂટ્સથી ગાર્નિશ કરીને સર્વ કરો.
સ્વાદિષ્ટ હોવાની સાથે સાથે મખાનાની ખીર ઉપવાસ દરમિયાન તમારા શરીરને ઘણી શક્તિ આપે છે. તેને ખાધા પછી, તમારું પેટ લાંબા સમય સુધી ભરેલું રહે છે અને તમે બીજું કંઈપણ ઈચ્છા થતી નથી. તો વિલંબ શું છે, ઘરે જ તૈયાર કરો મખાનાનો હલવો. તમે પણ ખાઓ અને ઘરના લોકોને પણ ખવડાવો.
આ પણ વાંચો :KVS Admissions 2022: કેન્દ્રીય વિદ્યાલયમાં તમામ વર્ગોમાં પ્રવેશ પ્રક્રિયા શરૂ, આ રીતે કરો અરજી
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-