ડેન્ગ્યુનું હોટસ્પોટ બન્યું આ ગામ, માત્ર 4 દિવસમાં 80 લોકો ડેન્ગ્યુના ભરડામાં

Uttarakhand : હાલના દિવસોમાં દેશના ઘણા રાજ્યોમાં ડેન્ગ્યુ (Dengue) ઝડપથી ફેલાઈ રહ્યો છે. પશ્ચિમ ઉત્તરપ્રદેશના ઘણા જિલ્લાઓ આ દિવસોમાં ડેન્ગ્યુની ચપેટમાં છે. હવે ઉત્તરાખંડમાં પણ ડેન્ગ્યુ જોવા મળી રહ્યો છે. હરિદ્વાર જિલ્લાના રૂડકીનું ગધારોણા (Gadharoda)ગામ આ દિવસોમાં ડેન્ગ્યુના હોટસ્પોટ તરીકે ઉભરી આવ્યું છે. છેલ્લા 4 દિવસમાં ગામમાં તાવથી પીડાતા 160 જેટલા દર્દીઓના લોહીના નમૂનાઓની તપાસ કરવામાં આવી હતી. જેમાંથી 80 લોકોને ડેન્ગ્યુ થયો હોવાની પુષ્ટિ થઈ છે. આ માહિતી જિલ્લા મેલેરિયા અધિકારી ગુરનમ સિંહે આપી છે. તેમણે કહ્યું કે અગાઉ ગામમાં 19 ડેન્ગ્યુના દર્દીઓ મળી આવ્યા હતા.

જિલ્લા મેલેરિયા અધિકારી ગુરનમસિંહે જણાવ્યું કે રૂરકીના ગધારોણા ગામના 6 ડેન્ગ્યુના દર્દીઓ હાલમાં સિવિલ હોસ્પિટલમાં દાખલ છે. તેમની સારવાર કરવામાં આવી રહી છે. તે જ સમયે, કેટલાક વધુ દર્દીઓને ખાનગી હોસ્પિટલોમાં સારવાર આપવામાં આવી રહી છે. દિલ્હી અને યુપીની સાથે ઉત્તરાખંડમાં પણ ડેન્ગ્યુના કેસ સતત સામે આવી રહ્યા છે. ગધારોણા ગામમાં 100 થી વધુ દર્દીઓમાં ડેન્ગ્યુ તાવનો કેસ નોંધાયો છે. સાવચેતી રૂપે વહીવટીતંત્રે ગામને ડેન્ગ્યુ હોટસ્પોટ જાહેર કર્યું છે.

સિવિલ હોસ્પિટલમાં 30 બેડનો ડેન્ગ્યુ વોર્ડ
મળતા સમાચાર અનુસાર આરોગ્ય વિભાગની ટીમે વધુ 75 લોકોના લોહીના નમૂના પણ તપાસ માટે લીધા છે. એવું કહેવામાં આવી રહ્યું છે કે આ વિસ્તારના ઘણા ગામો પણ આ દિવસોમાં ડેન્ગ્યુની ચપેટમાં છે. ડેન્ગ્યુના દર્દીઓની વધતી સંખ્યાને જોતા સિવિલ હોસ્પિટલમાં 30 બેડનો ડેન્ગ્યુ વોર્ડ ઉભો કરવામાં આવ્યો છે. છેલ્લા બે દિવસમાં ગધરોણા, શિખોપુર, ભગવાનપુર, સુભાષનગર, ચિડીયાળા, ખેડી સહિતના ઘણા ગામોના 14 દર્દીઓને સારવાર માટે હોસ્પિટલમાં દાખલ કરવામાં આવ્યા છે.

ગધારોણા ગામમાં ડેન્ગ્યુના દર્દીઓ 100 ને પાર
બદલાતી ઋતુ વચ્ચે ડેન્ગ્યુનો ભય સતત વધી રહ્યો છે. એકલા ગધારોણા ગામમાં ડેન્ગ્યુના દર્દીઓ 100 ને પાર થઇ ગયા છે.  અઠવાડિયા પહેલા 19 દર્દીઓની એકસાથે આવવાને કારણે હંગામો થયો હતો. જે બાદ આરોગ્ય વિભાગે કેમ્પમાં સતત લોકોના બ્લડ ટેસ્ટ કર્યા. ગામમાં મોટી સંખ્યામાં ડેન્ગ્યુના દર્દીઓ મળ્યા બાદ આરોગ્ય વિભાગની ટીમ એલર્ટ મોડ પર છે.