Breaking News: સુવેન્દુ અધિકારીના PAની હત્યામાં બીજા રાજ્યનું કનેક્શન, આ એક પુરાવાએ આખી તપાસ પલટી નાખી

પશ્ચિમ બંગાળના CM શુભેન્દુ અધિકારીના PA ચંદ્રનાથ રથની હત્યામાં ઝારખંડના ધનબાદ સાથે જોડાયેલું કનેક્શન સામે આવ્યું છે. હત્યારાઓએ ગુનામાં ઉપયોગમાં લીધેલી બાઇક પર ધનબાદના કર્મચારી વિભાષ ભટ્ટાચાર્યની બાઇકનો નકલી નંબર લગાવ્યો હતો. આ દરમિયાન, વિભાષ ભટ્ટાચાર્યના ઘટના સમયના CCTV ફૂટેજ સામે આવતા તેમને ક્લીન ચિટ મળી ગઈ છે.

બાઇકનો નકલી નંબર લગાવ્યો હતો

જણાવી દઈએ કે, ચૂંટણી પરિણામો બાદ તરત જ થયેલી આ હાઈ પ્રોફાઇલ હત્યા કેસની તપાસ માટે રચાયેલી બંગાળ પોલીસની SIT ટીમ ગઈકાલે રાત્રે તપાસ માટે ધનબાદ પહોંચી હતી. અહીં પોલીસ સ્ટેશનમાં લાંબા સમય સુધી પૂછપરછ કરવામાં આવી હતી, જેમાં ચોંકાવનારો ખુલાસો થયો છે. ખુલાસો એ છે કે, હત્યારાઓએ ગુનામાં ઉપયોગમાં લીધેલી બાઇક પર નકલી નંબર લગાવ્યો હતો. હકીકતમાં, આ નંબર ધનબાદના એક કર્મચારી વિભાષ ભટ્ટાચાર્યની બાઇકનો ચોરવામાં આવ્યો હતો.

આ રીતે સામે આવ્યું ‘ધનબાદ કનેક્શન’

તપાસમાં ગુનેગારો દ્વારા ઉપયોગમાં લેવાયેલી બાઇકના નંબર JH… થી તેનું ઝારખંડ કનેક્શન બહાર આવ્યું. ગુનેગારોની બાઇકનો નંબર ધનબાદના વિભાષના નામે રજીસ્ટર્ડ છે. તપાસ આગળ વધી તો તેની કડી ધનબાદના પાથરડીહ સુધી પહોંચી.

બીજી બાઇકનો નંબર ઉપયોગમાં લેવાનો ખુલાસો

ત્યારબાદ ખબર પડી કે, ગુનેગારોએ જે બાઇકનો ઉપયોગ કર્યો હતો; તે ધનબાદની ચાસ નાલા ઓફિસમાં તૈનાત બંગાળના વિભાષ ભટ્ટાચાર્યના નામે રજીસ્ટર્ડ છે. વિભાષ મૂળ બર્નપુર (બંગાળ) ના છે અને થોડા વર્ષો પહેલા તેમની બદલી થઈ હતી. આ પછી, શુક્રવારે રાત્રે બંગાળ પોલીસ ધનબાદ પહોંચી હતી. પાથરડીહ પોલીસ સ્ટેશનમાં કલાકો સુધી ચાલેલી પૂછપરછ બાદ ટીમે ભટ્ટાચાર્યના ઘરે બાઇકની ખરાઈ કરી હતી.

કર્મચારીએ સ્પષ્ટતા કરી હતી કે, ઘટના સમયે તેઓ ઓફિસમાં હતા. CCTV ફૂટેજ દ્વારા પણ આ સાબિત થઈ ગયું છે. તપાસમાં જાણવા મળ્યું છે કે, હત્યારાઓએ તેમની બાઇકનો નંબર બીજી બાઇક (અલગ મોડેલ અને રંગની) પર ચોંટાડી દીધો હતો.

Supriya Sule : સુપ્રિયા સુલેની કાર મુંબઈ-પુણે એક્સપ્રેસવે પર બની અકસ્માતનો ભોગ, તમામ મુસાફરો સુરક્ષિત!