સીજેઆઈ બીઆર ગવઈ સાથે ફોન પર પીએમ મોદીએ કરી વાત, કહ્યું- “સમાજમાં આવા નિંદનીય કૃત્યો માટે કોઈ સ્થાન નથી.”

પ્રધાનમંત્રી નરેન્દ્ર મોદીએ, આ ઘટનાને લઈને ચીફ જસ્ટિસ બીઆર ગવઈ સાથે ફોન પર વાત કરી. વાતચીત દરમિયાન, પીએમ મોદીએ સીજેઆઈ પર હુમલાના પ્રયાસની આકરી નિંદા કરી. પીએમ મોદીએ કહ્યું કે આજે સવારે સુપ્રીમ કોર્ટ પરિસરમાં તેમના પર થયેલા હુમલાથી દરેક ભારતીય રોષે ભરાયો છે. આપણા સમાજમાં આવા નિંદનીય કૃત્યો માટે કોઈ સ્થાન નથી. આ ખૂબ જ નિંદનીય છે.

પીએમ મોદીએ પોતે સોશિયલ મીડિયા પોસ્ટમાં વાતચીત શેર કરી. પીએમએ કહ્યું, “હુમલાના પ્રયાસનો સામનો કરવા માટે હું જસ્ટિસ ગવઈની ધીરજની પ્રશંસા કરું છું.” આ ન્યાયના મૂલ્યો પ્રત્યેની તેમની પ્રતિબદ્ધતા અને આપણા બંધારણની ભાવનાને મજબૂત બનાવવાની તેમની પ્રતિબદ્ધતાને દર્શાવે છે.

આ પણ વાંચોઃ ચીફ જસ્ટિસ પર જૂતું ઉછાળનારા વકીલ સામે કાર્યવાહી; બાર કાઉન્સિલે લાઇસન્સ સસ્પેન્ડ કર્યું, રાકેશ કિશોર કોણ છે?