નવા જૂનીના એંધાણ ! PM મોદી અને અમિત શાહ અચાનક રાષ્ટ્રપતિ દ્રૌપદી મુર્મુને મળવા પહોંચ્યા, જાણો શું હતું કારણ

પ્રધાનમંત્રી નરેન્દ્ર મોદી રવિવારે રાષ્ટ્રપતિ ભવન પહોંચ્યા હતા. અહીં તેઓ રાષ્ટ્રપતિ દ્રૌપદી મુર્મુને મળ્યા હતા. આ અંગેની માહિતી રાષ્ટ્રપતિ ભવન દ્વારા સોશિયલ મીડિયા સાઇટ X પર આપવામાં આવી હતી. X પર, રાષ્ટ્રપતિ ભવને પીએમ મોદી અને રાષ્ટ્રપતિ મુર્મુની મુલાકાતનો ફોટો શેર કર્યો હતો.

રાષ્ટ્રપતિ ભવને પોતાના કેપ્શનમાં લખ્યું છે કે, ‘પ્રધાનમંત્રી નરેન્દ્ર મોદી રાષ્ટ્રપતિ ભવનમાં રાષ્ટ્રપતિ દ્રૌપદી મુર્મુને મળ્યા.’ રાષ્ટ્રપતિ સાથે પીએમની મુલાકાત બાદ વિવિધ પ્રકારની અટકળો શરૂ થઈ હતી. મુલાકાતની વિગતો તાત્કાલિક ઉપલબ્ધ નહોતી, પરંતુ તેનું કારણ હવે લગભગ સ્પષ્ટ થઈ ગયું છે.

આ મુદ્દાઓ પર ચર્ચા થઈ

એવું કહેવામાં આવી રહ્યું છે કે બિહાર વિધાનસભા ચૂંટણી પહેલા બિહારમાં સ્પેશિયલ ઇન્ટેન્સિવ રિવ્યૂ (SIR) કવાયત પર ચર્ચા કરવાની વિપક્ષની માંગને લઈને સંસદમાં મડાગાંઠની પૃષ્ઠભૂમિમાં પીએમ અને રાષ્ટ્રપતિ વચ્ચે આ મુલાકાત થઈ રહી છે.

વાસ્તવમાં, ઓપરેશન સિંદૂર પર ચર્ચા કરવાની માંગને લઈને સંસદમાં શાસક પક્ષ અને વિપક્ષ વચ્ચે ઘણો ઝઘડો થયો હતો. સંસદનું ચોમાસુ સત્ર 21 જુલાઈથી શરૂ થયું હતું, પરંતુ ત્યારથી બંને ગૃહોમાં ખૂબ જ ઓછું કામ થયું છે. મહત્વનું છે કે આજે અમિત શાહે પણ રાષ્ટ્રપતિની મુલાકાત લીધી હતી.

રાષ્ટ્રપતિ મુર્મુ સાથે પીએમ મોદીની આ મુલાકાત અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ભારત પર 25 ટકા ટેરિફ અને રશિયા પાસેથી લશ્કરી સાધનો અને ક્રૂડ તેલ ખરીદવા પર દંડ લાદવાની જાહેરાત કર્યાના થોડા દિવસો પછી થઈ છે.