VIDEO પટનામાં આકાશી આફત: શહેરમાં જ્યાં જુઓ ત્યાં પાણી જ પાણી, લોકો કેડસમા પાણીમાં રહેવા મજબૂર
ઉત્તર ભારતમાં આકાશી કહેર જેવો માહોલ સર્જાયો છે. બિહારની રાજધાની પટનામાં ભારે વરસાદને પગલે જનજીવન અસ્તવ્યવસ્ત થઈ ચૂક્યુ છે. શુક્રવારે આખી રાત વરસેલા મુશળધાર વરસાદને પગલે પટનામાં પૂર જેવી સ્થિતિ સર્જાઈ છે. પટના શહેરમાં જ્યાં જુઓ ત્યાં હાલ માત્ર પાણી પાણી જ જોવા મળી રહ્યુ છે. શહેરના મોટા ભાગના વિસ્તારો જળમગ્ન બની ચૂક્યા છે. કેટલાક […]
ઉત્તર ભારતમાં આકાશી કહેર જેવો માહોલ સર્જાયો છે. બિહારની રાજધાની પટનામાં ભારે વરસાદને પગલે જનજીવન અસ્તવ્યવસ્ત થઈ ચૂક્યુ છે. શુક્રવારે આખી રાત વરસેલા મુશળધાર વરસાદને પગલે પટનામાં પૂર જેવી સ્થિતિ સર્જાઈ છે. પટના શહેરમાં જ્યાં જુઓ ત્યાં હાલ માત્ર પાણી પાણી જ જોવા મળી રહ્યુ છે. શહેરના મોટા ભાગના વિસ્તારો જળમગ્ન બની ચૂક્યા છે. કેટલાક વિસ્તારોમાં તો પાણી કેડથી ઉપર સુધીના ભરાયા છે.
આ પણ વાંચો: ભરૂચમાં ત્રણ દિવસથી યથાવત્ વરસાદના કારણે નવરાત્રીમાં વિધ્ન, યજ્ઞ દ્વારા વરૂણ દેવને મનાવવાની કોશિશ
પટનાની નાલંદા મેડિકલ કોલેજ અને હોસ્પિટલમાં પણ ઘૂંટણ સમા પાણી ભરાયા છે. હોસ્પિટલના વોર્ડ હોય કે આઈસીયુ દરેક જગ્યાએ વરસાદી પાણીથી હાલાકી સામે આવી છે. હોસ્પિટલના દર્દીઓને મેડિકલ કોલેજના ઓડિટોરિયમમાં ખસેડવામાં આવ્યા છે. તો પટનાના રેલવે સ્ટેશનની હાલત પણ વરસાદે ખસ્તા કરી છે. રેલવે સ્ટેશન પર ટ્રેક પાણીમાં ડૂબી ગયા છે. પાણીના ભરાવાને કારણે 12થી વધુ ટ્રેનોને અસર પહોંચી છે. પટનાની 6 ટ્રેનને રદ કરી દેવામાં આવી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
હવામાન વિભાગે બિહારમાં ભારે વરસાદને પગલે પટના, મુઝફ્ફરપુર, દરભંગા, ભાગલપુર, પૂર્ણિયા, બેતિયા, ગયા, ઔરંગાબાદ સહિત 15 જિલ્લામાં રેડ એલર્ટ જાહેર કરવામાં આવ્યું છે. ભારે વરસાદની આગાહીને પગલે બિહારમાં મોટા ભાગના જિલ્લાઓની શાળાઓમાં 30 સપ્ટેમ્બર સુધી બંધ રાખવાની સૂચના આપવામાં આવી છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો