મુસ્લિમ મહિલાઓને મસ્જિદમાં નમાજ પઢવાની પરવાનગી આપવા બાબતે સુપ્રીમ કોર્ટમાં દાખલ થઈ અરજી

સુપ્રીમ કોર્ટમાં એક અરજી દાખલ કરવામાં આવી છે તેમાં મુસ્લિમ મહિલાઓને નમાજ પઢવા માટેની મંજૂરી માગવામાં આવી છે.

વકીલ આશુતોષ દૂબે દ્વારા સુપ્રીમ કોર્ટમાં એક અરજી દાખલ કરવામાં આવી છે. જેમાં મુસ્લિમ મહિલાઓને મસ્જિદોમાં જઈને નમાજ પઢવા પર પ્રતિબંધ એ ગેરકાનૂની અને અસંવિધાનિક છે તેમ કહેવાયું છે. આ મૌલિક અધિકારોનું ઉલ્લંઘન છે તેવી દલીલ પણ કરવામાં આવી છે.

કુરાન અને હદીસમાં લિંગના આધારે કોઈ જ ભેદભાવ નથી

અરજીમાં કહેવામાં આવ્યું છે કુરાન અને હદીસમાં લિંગના આધારે કોઈ જ ભેદભાવ નથી. આથી મહિલાઓને મસ્જિદમાં જઈને નમાજ પઢતા રોકવી એ પણ મહિલાઓની ગરિમાને વિપરીત છે. મહિલાઓને પણ પુરુષની સમકક્ષ જ ઈબાદત કરવાનો સંવિધાનિક અધિકાર છે.

અરજીમાં કહેવાયું છે જમાત-એ-ઈસ્લામી અને શિયા સમુદ્દાયમાં મુસ્લિમ મહિલાઓને મસ્જિદમાં નમાજ પઢવાની પરવાનગી છે પણ સુન્ની સમુદ્દાયના કેટલાંક ફિરકોમાં આ પરવાનગી આપવામાં આવેલી નથી.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]