Lakhimpur Kheri Violence: SKMએ મૃતક ખેડૂતોની કાઢી અસ્થિ ‘કળશ યાત્રા’, મોટી સંખ્યામાં સમર્થન મળ્યાનો કર્યો દાવો

Lakhimpur Kheri Violence: સંયુક્ત કિસાન મોરચા (SKM) એ શનિવારે લખીમપુર ખીરી હિંસામાં માર્યા ગયેલા ખેડૂતોની અસ્થિ માટે કળશ યાત્રા શરૂ કરી હતી. રવિવારે આ કળશ યાત્રા યુપીના હરિયાણા થઈને પંજાબના ભટિંડા પહોંચી હતી. ભીખી અનાજ મંડી ખાતે મૃતક ખેડૂતોને શ્રદ્ધાંજલિ આપવામાં આવી હતી. ખેડૂતોનું કહેવું છે કે મૃતકો માટે કાઢવામાં આવેલી ‘કળશ યાત્રા’ ને મોટા પ્રમાણમાં સમર્થન મળી રહ્યું છે.

કૃષિ કાયદાનો વિરોધ કરી રહેલા SKMએ જણાવ્યું હતું કે આ મહિનાની શરૂઆતમાં લખીમપુર ખીરી ખાતે હિંસા દરમિયાન જીવ ગુમાવનારા પાંચ લોકોને શ્રદ્ધાંજલિ આપવા માટે કળશ યાત્રા કાઢવામાં આવી રહી છે. આ દરમિયાન લોકોની મોટી ભીડ જોવા મળી હતી.

ખેડૂત સંગઠને પહેલા જ કહ્યું હતું કે મૃતક ખેડૂતોની અસ્થિની કળશ યાત્રા દેશભરના અનેક જિલ્લાઓમાં કાઢવામાં આવશે. SKM ના પ્રતિનિધિએ જણાવ્યું કે તમિલનાડુમાં કળશ યાત્રા કલ્લાકુરિચી જિલ્લાના ઉલુદુરપેટ થઈને પેરાંબલુર પહોંચી. તેમણે કહ્યું કે હિમાચલ પ્રદેશમાં શહીદોની અસ્થિને યમુના ઘાટ પર પોંટા સાહિબમાં વિસર્જિત કરવામાં આવી હતી. કળશ યાત્રા પંજાબના માલવા, માઝા અને દોઆબાના ત્રણેય વિસ્તારોમાં ઘણી જગ્યાએથી પસાર થઈ હતી.

હિંસામાં માર્યા ગયેલા ખેડૂતોની ‘કળશ યાત્રા’
જણાવી દઈએ કે, સંયુક્ત કિસાન મોરચાએ હિંસામાં માર્યા ગયેલા ખેડૂતોની અસ્થિ વિસર્જન માટે 21 ઓક્ટોબરના રોજ કળશ યાત્રા કાવાનો નિર્ણય કર્યો હતો. ખેડૂતોનું સંગઠન પણ કેન્દ્રીય મંત્રી અજય મિશ્રા (Ajay Mishra) ની ધરપકડની માંગ પર અડગ છે. ખેડૂતોની અસ્મિતા દરમિયાન SKM ના નેતાઓએ કહ્યું કે લખીમપુર ખીરી હિંસા અત્યંત નિંદનીય છે. તમને જણાવી દઈએ કે ખેડૂત સંગઠન સતત હિંસાનો વિરોધ કરી રહ્યું છે.

સરકાર પર ખેડૂતોને ખતમ કરવાનો આરોપ
સંયુક્ત કિસાન મોરચાનું કહેવું છે કે જ્યાં સુધી આરોપીઓને સજા ન થાય ત્યાં સુધી તેમનો વિરોધ ચાલુ રહેશે. તેમણે કેન્દ્ર અને યોગી સરકાર પર ખેડૂતોને ખતમ કરવાનો આરોપ લગાવ્યો. તેમણે આક્ષેપ કર્યો હતો કે આ નીતિને કારણે સરકાર કૃષિ કાયદાઓ પાછી ખેંચવા તૈયાર નથી. તેમણે કહ્યું કે આંદોલનને એક વર્ષ થવા આવ્યું છે. અત્યાર સુધીમાં 400 ખેડૂતોના મોત થયા છે પરંતુ હજુ પણ સરકાર કૃષિ કાયદો પાછો ખેંચવા તૈયાર નથી.

આ પણ વાંચો: Afghanistan : હેરાત પ્રાંતમાં તાલિબાન અને સશસ્ત્ર લોકો વચ્ચેની અથડામણમાં 17ના મોત

આ પણ વાંચો: Horoscope Today: દૈનિક રાશિફળ, મીન 25 ઓક્ટોબર: ગ્રહોની સ્થિતિ સકારાત્મક છે, વિદેશી કારોબારને ફરીથી મળશે વેગ