દિલ્હીની 7 લોકસભા સીટો પર ચૂંટણી પ્રચાર ગઈકાલથી બંધ થઈ ગયો અને આવતીકાલે દિલ્હીમાં મતદાન થશે. દિલ્હીમાં ચૂંટણી પ્રચાર દરમિયાન એક-બીજા પર નેતાઓએ ખૂબ હુમલા કર્યા. દિલ્હીમાં આ લોકસભા ચૂંટણી કોંગ્રેસ અને ભાજપ માટે રાષ્ટ્રીય સ્તર પર સીટો વધારવા માટે જરૂરી નથી પણ તેના ઘણાં કારણો છે.
એક બાજુ કોંગ્રેસ 2013માં સત્તામાંથી ગયા પછી દિલ્હીમાં તેમનું સ્થાન મજબુત કરવા માટે લાગી છે. ત્યારે બીજી તરફ ભાજપ 2020ની વિધાનસભા ચૂંટણી પહેલા આ ચૂંટણીને સેમિફાઈનલ તરીકે જોઈ રહી છે. ભાજપને લાગે છે કે લોકસભા ચૂંટણીમાં જો તેમનું પ્રદર્શન સારૂ રહેશે તો તેમને વિધાનસભા ચૂંટણીમાં તેનો લાભ થશે.
આમ આદમી પાર્ટી છેલ્લા 4 વર્ષથી તે દિલ્લી સરકારના કામકાજમાં કેન્દ્રની સામે લડી રહી છે. દિલ્હીમાં ચૂંટણી જંગની રોચકતા હાઈ પ્રોફાઈલ ઉમેદવારોને મેદાનમાં ઉતારવાથી વધી ગઈ છે. ભાજપે પૂર્વ દિલ્હીમાં પૂર્વ ક્રિકેટર ગૌતમ ગંભીર, કોંગ્રેસે ઉત્તર પૂર્વ દિલ્હીમાં શીલા દિક્ષીત અને વિજેન્દર કુમારને સમરમાં ઉતાર્યા છે.
દિલ્હીમાં ચૂંટણી મુ્દ્દાની વાત કરીએ તો પાર્ટીઓએ રાષ્ટ્રીય સુરક્ષાથી લઈને ટ્રાફિક જામ, આતંકવાદથી લઈને બેરોજગારી અને પ્રદુષણથી લઈને પાર્કિગ સુધીના મુદ્દાઓ ઉઠાવ્યા. સમાજના દરેક વર્ગને રાજકીય પાર્ટીઓએ સંબોધિત કરવાનો પ્રયત્ન કર્યો.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]
Published On - 2:58 am, Sat, 11 May 19