Israel Embassy Blast : NIA એ બે શકમંદોના ફોટો જાહેર કર્યા, માહિતી આપનારને લાખોનું ઇનામ
Israel Embassy Blast : 29 જાન્યુઆરીના રોજ સાંજે દિલ્હીના લ્યુટિયન્સ વિસ્તારમાં ઇઝરાયેલ દુતાવાસ બહાર IED બ્લાસ્ટ થયો હતો. ઈઝરાયેલે આ ઘટનાને આતંકી ઘટના ગણાવી હતી.
Israel Embassy Blast : 29 જાન્યુઆરીના રોજ સાંજે દિલ્હીના લ્યુટિયન્સ વિસ્તારમાં ઇઝરાયેલ દુતાવાસ બહાર IED બ્લાસ્ટ અંગે મોટા સમાચાર સામે આવ્યા છે. NIA એ આ બ્લાસ્ટમાં સંડોવાયેલા બે શકમંદોના ફોટો જાહેર કર્યા છે. આ સાથે જ માહિતી આપનારને લાખોનું ઇનામ પણ જાહેર કર્યું છે.
માહિતી આપનારને NIA આપશે 10 લાખનું ઇનામ
રાષ્ટ્રીય તપાસ એજન્સીએ જાન્યુઆરીમાં ઇઝરાઇલી દૂતાવાસની બહાર થયેલા IED બ્લાસ્ટને લગતા કેટલાક વીડિયો અને ફોટા જાહેર કર્યા છે. આ ફોટો અને વિડીયોમાં 2 શકમંદો દૂતાવાસની બહાર વિસ્ફોટો કરતા જોવા મળે છે. આરોપ છે કે વીડિયો અને ફોટોમાં દેખાતા આ બંને લોકો એ ઇઝરાઇલી દૂતાવાસની બહાર બોમ્બ લગાવ્યો હતો. આ બંને વિશે માહિતી આપનાર વ્યક્તિને એનઆઈએ એ 10 લાખ રૂપિયાનું ઇનામ જાહેર કર્યું છે.
NIA એ ટ્વીટ કરી માહિતી માંગી
એનઆઈએ એ બે ટ્વીટ કરી આ બંને શકમંદોની માહિતી માંગી છે. એક ટ્વીટમાં એનઆઈએ એ લખ્યું છે- “એનઆઇએ ઈન્ડિયા નવી દિલ્હીમાં ઇઝરાઇલી દૂતાવાસ નજીક થયેલા વિસ્ફોટના કેસ NIA Case RC-02/2021/NIA/DLI ના સંદર્ભમાં સીસીટીવી ફૂટેજમાં દેખાયેલા બંને શકમંદોને ઓળખવામાં મદદ માટે માહિતી શોધી રહી છે.”
#NIA_India is seeking information to help identify two suspected individuals seen in CCTV footage in connection with NIA Case RC-02/2021/NIA/DLI related to explosion near Israeli Embassy, New Delhi.
— NIA India (@NIA_India) June 15, 2021
બીજી ટ્વીટમાં એનઆઈએ એ કહ્યું, “આ વ્યક્તિઓની ઓળખ અને ધરપકડ તરફ દોરી જાય તેવી માહિતી પ્રદાન કરવા માટે 10 લાખ રૂપિયાનું રોકડ ઇનામ (દરેક માટે) આપવામાં આવશે. જો તમે કોઈને ઓળખતા હો તો do.nia@gov.in, info.nia@gov.in અથવા 011-24368800 અને 9654447345 પર જાણકારી આપો.”
Any information leading to identification and arrest of these individuals will be rewarded with cash of Rs. 10,00,000/- each. Visit https://t.co/CTs07hc249 to see images & if you see someone you recognize , submit tip at do.nia@gov.in, info.nia@gov.in, 011-24368800, 9654447345
— NIA India (@NIA_India) June 15, 2021
આ સાથે એનઆઈએ આરોપીના વીડિયો અને ફોટા માટે ગૂગલ ડ્રાઇવની લિંક પણ શેર કરી છે.નોંધપાત્ર વાત એ છે કે, આઈઆઈડી બ્લાસ્ટ 29 જાન્યુઆરી 2021 ની સાંજે દિલ્હીમાં ઇઝરાઇલી દૂતાવાસની બહાર થયો હતો. જોકે, તેમાં કોઈ જાનહાની થઈ નથી.આ બ્લાસ્ટની તપાસ દિલ્હી પોલીસ સ્પેશિયલ સેલ, ક્રાઈમબ્રાંચ અને એનઆઈએ ની ટીમ કરી રહી છે.
Published On - 10:14 pm, Tue, 15 June 21