ભારતીય રેલવેમાં મુસાફરી કરતા લોકો માટે ટિકિટનું કન્ફર્મ થવું સૌથી મોટી ચિંતા હોય છે. ખાસ કરીને રજાઓ અને તહેવારોની સિઝનમાં વેઇટિંગ લિસ્ટ ઝડપથી વધે છે. મોટાભાગે મુસાફરોને ખાતરી હોતી નથી કે તેમની ટિકિટ કન્ફર્મ થઈ શકે છે કે નહીં. લોકો ઘણીવાર માહિતી વગર ટિકિટ બુક કરાવે છે, જેના કારણે પાછળથી નિરાશ થવું પડે છે.

જો તમારી પાસે વિવિધ પ્રકારની વેઇટિંગ લિસ્ટ અને તેની પ્રાથમિક માહિતી હોય તો તમે ટિકિટ બુક કરી શકો છો અને કન્ફર્મ ટિકિટ મેળવવાની તમારી શક્યતાઓને વધારી શકો છો. રેલવેએ વેઇટિંગ લિસ્ટ ટિકિટોને અલગ અલગ શ્રેણીઓમાં વિભાજિત કરી છે જેમ કે GNWL, RLWL, PQWL, RAC, અને TQWL. આ દરેકની કન્ફર્મેશન સંભાવના અલગ હોય છે.

GNWL ટ્રેનના શરૂઆતના સ્ટેશનથી લઈ તેના અંતિમ સ્ટેશન સુધી મુસાફરી કરતા મુસાફરો માટે હોય છે. GNWLને સૌથી વધુ પ્રાથમિકતા આપવામાં આવે છે. આવી ટિકિટોમાં સૌથી વધુ કન્ફર્મેશનની સંભાવના હોય છે. જેનો અંદાજ આશરે 80થી 90% હોય છે.

રિમોટ લોકેશન વેઇટિંગ લિસ્ટ મધ્યવર્તી સ્ટેશનો પરથી મુસાફરી કરતા મુસાફરો માટે છે. કન્ફર્મેશન સંભાવના GNWL કરતા થોડી ઓછી હોય છે. આશરે 40થી 60% પર રહે છે.

પૂલ ક્વોટા વેઇટિંગ લિસ્ટ સામાન્ય રીતે ટૂંકા અંતરના મુસાફરો માટે હોય છે. ટિકિટ કન્ફર્મેશનની શક્યતા આશરે 20થી 30% હોય છે.

સાઇડ વેઇટિંગ લિસ્ટ, ટ્રેનના શરૂઆતના સ્ટેશન નજીકના સ્ટેશનો માટે હોય છે જેમાં કન્ફર્મેશનની શક્યતા આશરે ફક્ત 10થી 20% રહી શકે છે.

મોટાભાગે તત્કાલ વેઇટિંગ લિસ્ટ પર ટિકિટ કન્ફર્મ કરવી લગભગ અશક્ય હોય છે. તેની શક્યતા 0-10%ની વચ્ચે હોય છે. કારણ કે આ છેલ્લી ઘડીની ટિકિટ છે.

આ ટિકિટ સંપૂર્ણ સીટ આપતી નથી. પરંતુ તે મુસાફરી કરવાની તક પૂરી પાડે છે. આમાં તમને સાઇડ લોઅર સીટ બીજી વ્યક્તિ જોડે શેર કરવી પડે છે.

જો તમે ઇચ્છો છો કે તમારી ટિકિટ ઝડપથી કન્ફર્મ થાય, તો GNWL શ્રેણીમાં ટિકિટ બુક કરવાનો પ્રયાસ કરવો. તમારી મુસાફરીની તારીખથી ખૂબ અગાઉથી ટિકિટ બુક કરવી પણ શ્રેષ્ઠ છે.

નોધ: મુસાફરી કરતાં પહેલાં રેલવે સંબંધિત માહિતી જાણી લેવી. અહીં આપવામાં આવેલી માહિતી વિવિધ રિપોર્ટ્સના આધારે તૈયાર કરવામાં આવેલી છે. ટ્રેન ટિકિટ બૂક કરતા પહેલા સંબંધિત વેબસાઇટની મુલાકાત લેવી.

Gujarat Local Body, Municipal Election Results 2026 LIVE: વલસાડ મહાનગરપાલિકામાં ભાજપનો દબદબો, વોર્ડ નં. 1, 5, 9 અને 6માં પેનલ વિજય