30 ઓક્ટોબરના મહત્વના સમાચાર : વડાપ્રધાન નરેન્દ્ર મોદી આજથી બે દિવસ ગુજરાતની મુલાકાતે, બનાસકાંઠામાં 14 હજાર કરોડથી વધુના વિકાસ પ્રોજેક્ટસની આપશે ભેટ

આર્મેનિયાની સંસદમાં લોકશાહીના ધજાગરા ઉડ્યા હોય તેવી ઘટના સામે આવી છે. સંસદની અંદર સત્તાપક્ષ અને વિપક્ષના સાંસદો વચ્ચે છુટ્ટા હાથની મારામારી થઈ હતી. સત્તાપક્ષના એક સાંસદના વિવાદાસ્પદ ભાષણથી વિપક્ષી સાંસદો રોષે ભરાયા હતા. શરૂઆતમાં બંને પક્ષના સાંસદો વચ્ચે ઉગ્ર બોલાચાલી થઈ હતી, જે બાદ મામલો મારામારી સુધી પહોંચ્યો હતો. રોષે ભરાયેલા વિપક્ષી સાંસદો વેલ સુધી ધસી આવ્યા હતા અને સત્તાપક્ષના સાંસદો સાથે બાખડી પડ્યા હતા. બંને પક્ષના સાંસદોએ એકબીજા પર હાથ ઉપાડતાં ભારે હોબાળો મચ્યો હતો. આ દરમિયાન એક સાંસદ જમીન પર પટકાયા હતા. સંસદની અંદર થયેલી મારામારીના વીડિયો પણ સોશિયલ મીડિયા પર વાયરલ થયા છે. ઘટનાને પગલે સંસદનું સત્ર સસ્પેન્ડ કરી દેવામાં આવ્યું હતું.

વડાપ્રધાન નરેન્દ્ર મોદી આજથી બે દિવસ ગુજરાતની મુલાકાતે આવી રહ્યા છે. આ દરમિયાન તેઓ બનાસકાંઠાના ભીલડી ખાતે ભવ્ય જાહેર જનસભાને સંબોધિત કરશે અને ₹14 હજાર કરોડથી વધુના વિકાસ પ્રોજેક્ટ્સની ભેટ આપશે. ભીલડીમાં વડાપ્રધાન ખેડૂતો અને પશુપાલક મહિલાઓ સાથે સીધો સંવાદ પણ કરશે. ગુજરાતમાં પ્રથમવાર વડાપ્રધાન જાહેર મંચ પરથી ખાટલા બેઠકને સંબોધિત કરશે. આ ઉપરાંત બનાસકાંઠામાં ‘ભારત ગાય સંવર્ધન અને સંશોધન કેન્દ્ર’ રાષ્ટ્રને સમર્પિત કરશે. જ્યારે થરાદ અને રાધનપુરમાં બનાસ ડેરીના બે કોમ્પ્રેસ્ડ બાયોગેસ પ્લાન્ટનું શિલાન્યાસ કરશે. આ પ્રવાસ દરમિયાન વડાપ્રધાન મોદી પીએમ કિસાન સન્માન નિધિ યોજનાનો 24મો હપ્તો પણ જાહેર કરશે.