કેન્દ્ર સરકારે વી અનંત નાગેશ્વરને (Dr V. Anantha Nageswaran) મુખ્ય આર્થિક સલાહકાર (Chief Economic Advisor) તરીકે નિયુક્ત કર્યા છે. ડિસેમ્બર 2021માં કેવી સુબ્રમણ્યમનો કાર્યકાળ પૂરો થયો ત્યારથી આ પોસ્ટ ખાલી પડી હતી. ત્યારપછી આ પદ પર કોઈની નિમણૂક કરવામાં આવી ન હતી. ભારત ત્રીજી સૌથી મોટી અર્થવ્યવસ્થા બની ગયું છે. કોરોના મહામારી પછી પણ ભારતની આર્થિક સ્થિતિ નબળી પડી નથી. જો કે, આ સમયે ભારતની સામે બેરોજગારી એક મોટા મુદ્દા તરીકે ઉભરી રહી છે. આવી સ્થિતિમાં આને દૂર કરવા માટે ભારત સરકાર પર ભારે દબાણ છે.
Government appoints Dr V. Anantha Nageswaran as the Chief Economic Advisor and today, he has assumed charge.
આવા સમયે, નવા મુખ્ય આર્થિક સલાહકાર રોકાણને પુનર્જીવિત કરવા અને બજેટ ગેપને પૂરો કરવા સાથે ઉચ્ચ વૃદ્ધિ માટે નુસ્ખો પ્રદાન કરે તેવી અપેક્ષા રાખવામાં આવશે.
ડૉ. વી અનંત નાગેશ્વરન આંધ્ર પ્રદેશની ક્રિયા યુનિવર્સિટીમાં અર્થશાસ્ત્રના વિશિષ્ટ અતિથિ પ્રોફેસર છે. તેમને આર્થિક બાબતોમાં ઘણો અનુભવ છે. ડૉ નાગેશ્વરને 1985માં ઇન્ડિયન ઇન્સ્ટિટ્યૂટ ઑફ મેનેજમેન્ટ અમદાવાદમાંથી એમબીએ કર્યું હતું. વિનિમય દરોના પ્રયોગમૂલક વર્તણૂક પરના તેમના કાર્ય માટે તેમને યુનિવર્સિટી ઓફ મેસેચ્યુસેટ્સ એમ્હર્સ્ટ તરફથી ફાઇનાન્સમાં ડોક્ટરેટની પદવી એનાયત કરવામાં આવી છે.
ડૉ. વી અનંત નાગેશ્વરન સિંગાપોર સ્થિત બેંક જુલિયસ બેર એન્ડ કંપનીના ગ્લોબલ ચીફ ઇન્વેસ્ટમેન્ટ ઓફિસર તરીકે સેવા આપી ચૂક્યા છે. ડૉ વી અનંત નાગેશ્વરન ઑક્ટોબર 2018 થી ડિસેમ્બર 2019 સુધી IFMR ગ્રેજ્યુએટ સ્કૂલ ઑફ બિઝનેસના ડીન રહ્યા છે. આ પછી, વર્ષ 2021 સુધી, તેમને વડા પ્રધાનની આર્થિક સલાહકાર પરિષદના અંશકાલિક સભ્ય તરીકે નિયુક્ત કરવામાં આવ્યા છે.
આજનું રાશિફળ તારીખ : 23-11-2024
