સુરતમાં એક આંખ ઉઘાડનારો કિસ્સો સામે આવ્યો છે. આપણે કોઈપણ દુકાને જઈએ ત્યાં હવે ઓનલાઈન પેમેન્ટ સ્વીકારવામાં આવે છે. ભારત સરકારના NPCI સર્વરથી UPI એપ, ગૂગલ પે, પેટીએમ, ફોન-પે, અમેઝોન પે કે ભીમ એપના માધ્યમથી પૈસાની ચૂકવણી કરી શકાય છે. સામાન્ય દુકાનો પર પણ QR કોડ આવી ગયા છે અને લોકો ઓનલાઈન ચૂકવણી કરતા થયા છે. જો કે ઘણાં એવા કિસ્સાઓ પણ સામે આવી રહ્યાં છે જે આંખ ઉઘાડનારા છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
સુરતમાં એક વેપારીના પુત્ર સાથે છેતરપિંડીનો કિસ્સો સામે આવ્યો છે. જેમાં એક શખ્સે ઓનલાઈન લિંક મોકલીને ખાતામાંથી 60 હજાર રુપિયા તફડાવી લીધા છે. પ્રણય કુમાર ઓનલાઈન વેપાર કરે છે અને તેમને એક ફોન આવ્યો હતો જેમાં 100 હેલ્મેટ મગાવવાની વાત થઈ હતી. આ બાબતે પેમેન્ટ ગૂગલ પેથી મોકલવાની પણ વાત થઈ હતી.
પ્રણયના મોબાઈલમાં પેમેન્ટ માટે એક લિંક આવે છે અને તેની પર ક્લિક કરતાં જ પ્રણયના ખાતામાંથી બે વખત 30-30 હજાર રુપિયા ઉપડી જાય છે. આમ ગૂગલ-પેના ઓનલાઈન પેમેન્ટ કરી આપવાના નામે પ્રણયની સાથે છેતરપિંડી કરવામાં આવી છે.
કેવી રીતે બચી શકાય આવી છેતરપિંડીથી?
ઓનલાઈન પેમેન્ટ એજ આજની જરુરિયાત બનતી જાય છે. જો ગમે ત્યારે તમારા ફોનમાં કોઈ લિંક મોકલીને પૈસાની લેવડ-દેવડ કરવાની વાત આવે તો તેની જાળમાં ન ફસાયા વિના ચેતી જજો. કોઈ લિંક ઓપન કરી તમારા ખાતાની વિગતો ન આપશો. જ્યારે તમે યુપીઆઈ પીન એન્ટર કરો છો ત્યારે જ પેમેન્ટ થાય છે જેના લીધે કોને પૈસા મોકલવા છે તેનું નામ ચકાસીને જ લેવડ-દેવડ કરો.
કોઈપણ ફોનકોલ આવે અને ખાતુ બંધ થઈ જશે કે નવું કાર્ડ આપવાની વાત કરવામાં આવે તો ખાતાની માહિતી આપવી નહીં. આવી માહિતી માગનારાનો ફોન નંબર નોંધીને તમારી બેંકમાં ફરિયાદ કરવી. આમ આવા કિસ્સાઓથી બચી શકાય છે અને મહેનતના પૈસાને સુરક્ષિત કરી શકાય છે.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]