કાશ્મીર મુદ્દે ભારત પાકિસ્તાનના ક્રિકેટરો આવ્યા આમને-સામને, આફ્રિદીને ગૌતમ ગંભીરે આપ્યો જડબાતોડ જવાબ

જમ્મૂ-કાશ્મીરમાં કલમ 370 નાબૂદ કરવાના મોદી સરકારના નિર્ણય પર પાકિસ્તાની ક્રિકેટર શાહિદ આફ્રિદીએ પણ વિરોધ વ્યક્ત કર્યો છે. ત્યારે ભારતના પૂર્વ ક્રિકેટર ગૌતમ ગંભીરે એક વખત ફરી જડબાતોડ જવાબ આપીને આફ્રિદીની બોલતી બંધ કરી દીધી છે.

મોદી સરકારના આ ઐતિહાસિક નિર્ણયથી સમગ્ર પાકિસ્તાનમાં હલચલ મચી ગઈ છે. ત્યારે શાહિદ આફ્રિદીએ પણ ટ્વિટ કરીને વિરોધ વ્યક્ત કર્યો છે અને UNના અસ્તિત્વ પર જ પ્રશ્ન ઉભો કર્યો છે.

આફ્રિદીએ કહ્યું કે UNએ આ મુદ્દા પર કાર્યવાહી કરવી જોઈએ. શાહિદ આફ્રિદીએ ટ્વિટ કરીને કહ્યું કે કાશ્મીરીઓને તેમના બધા જ અધિકાર મળવા જોઈએ. આફ્રિદીના આ ટ્વિટ પર ગૌતમ ગંભીરે પણ જડબાતોડ જવાબ આપ્યો છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

ગંભીરે ટ્વિટ કરીને જવાબ આપતા આફ્રિદીને ‘બેટા’ કહીને લખ્યુ કે ત્યા લોકોને ઉશ્કેર્યા વગર હુમલાઓ થઈ રહ્યા છે. ત્યાં માનવતાની વિરૂદ્ધ ગુન્હાઓ પણ થઈ રહ્યા છે. આ મુદ્દાને સામે લાવવા માટે આફ્રિદીની વાહવાહ કરવામાં આવવી જોઈએ પણ તે એક વાતને કહેવાનું ભૂલી ગયા કે આ બધુ જ પાકિસ્તાન અધિકૃત કાશ્મીર (POK)માં થઈ રહ્યુ છે. ગંભીરે આફ્રિદીને બેટા કહીને બોલાવીને લખ્યું કે ચિંતા ના કરો, અમે જલ્દી જ તેનો હલ લાવીશું.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]