ભારતીય મૂળના એક અમેરિકનનો દાવો : EVM હૅકિંગ સાથે જોડાયેલા છે ગોપીનાથ મુંડેના મોતના રાઝ, હૅકિંગમાં રિલાયંસનો હાથ હોવાનો દાવો, સપા, બસપા, આપ, કૉંગ્રેસ પણ ઈવીએમ સાથે છેડછાડમાં સામેલ

ઇલેક્ટ્રૉનિક વોટિંગ મશીન (EVM) વિશે ભારતીય મૂળના અમેરિકન નાગરિક અને ઈવીએમ એક્સપર્ટ SYED SUJAએ લંડનમાં સોમવારે પ્રેસ કૉન્ફરન્સ કરી.

SUJAએ દાવો કર્યો કે લોકસભા ચૂંટણી 2014માં ઈવીએમ ટેમ્પરિંગ કરી મોટી ગરબડ કરાઈ હતી. તેણે દાવો કર્યો કે ગોપીનાથ મુંડેનું અકસ્માતમાં મોત નહોતું થયું, પણ તે હત્યા હતી, કારણ કે તેઓ ઈવીએમ હૅકિંગ વિશે જાણતા હતાં.

જો તમે TV9ના સમાચારોને ગુજરાતીમાં તમારા ટેલિગ્રામ અકાઉન્ટ પર જોવા માગો છો તો અહીંયા ક્લિક કરો

ભારતમાં ઉપયોગમાં લેવા માટેની ઈવીએમ ડિઝાઇન કરનાર ટીમના સભ્ય રહી ચુકેલા SUJAએ પ્રેસ કૉન્ફરન્સમાં ઈવીએમ હૅકિંગનો લાઇવ ડેમો પણ રાખેલો કે જેમાં તેમણે ચૂંટણી પંચ સહિત ભારતના તમામ રાજકારણીઓને બોલાવ્યા હતાં, પરંતુ એકમાત્ર કૉંગ્રેસ નેતા કપિલ સિબ્બલ જ આ પ્રેસ કૉન્ફરન્સમાં હાજર રહ્યા હતાં.

સિબ્બલની હાજરીથી સવાલો ઊભા થઈ ગયા છે, તો બીજી બાજુ આ હૅકરે દાવો કર્યો કે પત્રકાર ગૌરી લંકેશ ઈવીએમ હૅકિંગ વિશે તેની સ્ટોરી ચલાવવા તૈયાર થઈ ગયા હતાં, પરંતુ ત્યાર બાદ તેમની હત્યા કરી દેવાઈ. ગોપીનાથ મુંડેની પણ હત્યા કરાઈ, કારણ કે તેમને ઈવીએમમાં છેડછાડની માહિતી હતી.

રિલાયંસ કમ્યનિકેશને ભાજપને ઈવીએમ હૅક કરવા માટે લો ફ્રિક્વંસી સિગ્નલ આપવા માટે કહ્યુ હતું. કૉંગ્રેસે ઈવીએમ હૅકિંગના પગલે 201 બેઠકો ગુમાવી.

હૅકરે દાવો કર્યો કે ભાજપ, કૉંગ્રેસ, આપ, સપા, બસપા સહિત દેશના 12 રાજકીય પક્ષોએ ઈવીએમ હૅક કરવા માટે તેનો સંપર્ક સાધ્યો હતો. દિલ્હીમાં 2015માં કેજરીવાલનો ભવ્ય વિજય ઈવીએમ હૅકિંગના કારણે થયો.

દરમિયાન ચૂંટણી પંચે હૅકરના ઈવીએમ હૅકિંગના દાવાને ફગાવી દિધો છે અને દાવો કર્યો છે કે ભારતીય ઈવીએમ સંપૂર્ણપણે સલામત છે.

[yop_poll id=727]

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]