Delhi Unlock News : કોરોના પ્રતિબંધોમાં મળી છૂટ, જાણો શું ખુલ્લુ રહેશે અને શું રહેશે બંધ ?
Corona update : સોમવારે દિલ્લીમાં કોરોના ગાઇડલાઇન્સમાં (Corona Guidelines) થોડી છૂટ આપવામાં આવી છે. આ બાબતે ડીડીએમએ તરફથી નવા દિશા નિર્દેશને લઇ આદેશ આપવામાં આવ્યા છે.
કોરોનાની બીજી લહેર ધીમી પડ્યા બાદ સોમવારે દિલ્લીમાં કોરોના ગાઇડલાઇન્સમાં (Corona Guidelines) થોડી છૂટ આપવામાં આવી છે. આ બાબતે ડીડીએમએ તરફથી નવા દિશા નિર્દેશને લઇ આદેશ આપવામાં આવ્યા છે. દિલ્લીમાં હવે સોમવારથી સ્ટેડિયમ અને ખેલ પરિસર (Sports Complex) ખોલવાની પરવાનગી મળી ગઇ છે, પરંતુ દર્શકોના પર પ્રતિબંધ ચાલુ રહેશે.
કોરોના નિયમોને લઇને દિલ્લી સરકારે જે ગાઇડલાઇન્સ આપી હતી તે આજ સુધી એટલે કે 4 જુલાઇ સુધી અમલી હતી. દિલ્લી સરકાર તરફથી કોરોનાના ઓછા થતા કેસને જોતા ધીમે ધીમે છૂટ આપવામાં આવી રહી છે. ડીડીએમ તરફથી દિલ્લી માટે કોરોનાની નવી ગાઇડલાઇન્સ આપવામાં આવી છે.
જાણો શું ચાલુ રહેશે અને શું બંધ
નવા દિશા નિર્દેશમાં જ્યાં સ્ટેડિયમ અને ખેલ પરિસરને દર્શકો વિના ખોલવાના નિર્દેશ આપવામાં આવ્યા છે. તેમ છતાં કેટલીક જગ્યાઓ પર પહેલાની જેમ પ્રતિબંધ ચાલુ રહેશે. કોરોના સંક્રમણના ખતરાને જોતા દિલ્લીમાં સિનેમા અને થિએટર પર પ્રતિબંધ ચાલુ રહેશે. આ સાથે જ મલ્ટીપ્લેક્સ, બેન્ક્વેટ હોલ, સામાજિક, રાજકીય સભા, સ્વિમિંગ પૂલ, સ્કૂલ, કૉલેજ, સ્પા અને મનોરંજન પાર્ક દિલ્લીમાં પ્રતિબંધિત છે.
In an order issued by DDMA, cinema/theatre/multiplexes, banquet halls, social/political gatherings, auditoriums, swimming pools, schools, colleges, spas, amusement parks are prohibited throughout the NCT of Delhi. Stadium and sports complexes allowed to open with no spectators
— ANI (@ANI) July 4, 2021
કોરોના સંક્રમણની નવી ગાઇડલાઇનમાં અત્યારે દિલ્લી મેટ્રો સહિત અન્ય સાર્વજનિક વાહનો પર પણ પ્રતિબંધ યથાવત રાખવામાં આવ્યા છે. યાત્રાના સાધનો પણ પૂરી ક્ષમતા સાથે ચાલવા પર પ્રતિબંધ ચાલુ રહેશે. અત્યારે સ્કૂલ અને એજ્યુકેશનલ ઇન્સ્ટિટ્યૂટ પણ સંપૂર્ણ રીતે બંધ રહેશે. કોરોનાન કેસ જરુર થયા છે, પણ સંક્રમણનો ખતરો ઓછો થયો નથી.