Delhi Oxygen Crisis : દિલ્લીની હોસ્પિટલોમાં 8 થી 10 કલાક પૂરતો જ ઓક્સિજન બાકી, કેન્દ્ર સરકાર પાસે તાત્કાલિક સપ્લાય વધારવા માગ

Delhi Oxygen Crisis : કોરોના સંક્રમણની બીજી લહેર વચ્ચે દેશની રાજધાનીમાં ઓક્સિજનની અછત આજે પણ યથાવત છે. ડેપ્યુટી સીએમ મનીષ સિસોદીયાએ ગઇ કાલે જ કેન્દ્ર સરકારને રજૂઆત કરી હતી કે દિલ્લીમાં ઓક્સિજનની અછત સર્જાય રહી છે. તેમણે ગઇ કાલે જ પ્રાઇવેટ અને સરકારી હોસ્પિટલોમાં ઓક્સિજનની તાત્કાલિક ધોરણે જરૂરિયાત હોવાની વાત કહી હતી. મનીષ સિસોદીયાએ કહ્યુ હતુ કે મને દિલ્લીની હોસ્પિટલોમાંથી ફોન આવી રહ્યા છે કે હવે ઓક્સિજન ખૂટી રહ્યુ છે અને તાત્કાલિક ધોરણે તેમને ઓક્સિજન સપ્લાય કરવામાં આવે.

મનીષ સિસોદીયાએ ગઇ કાલે ટ્વીટ કરીને જણાવ્યુ હતુ કે “દિલ્લીની કેટલીક હોસ્પિટલોમાં ફક્ત 8 થી 12 કલાક ચાલે એટલું જ ઓક્સિજન છે. અમે એક અઠવાડિયાથી કેન્દ્ર ને રજૂઆત કરી રહ્યા હતા કે દિલ્લીમાં ઓક્સિજનની સપ્લાય વધારવામાં આવે. જે કેન્દ્ર સરકારે કરવાનું છે. જો કાલ સવાર સુધી ઓક્સિજન હોસ્પિટલોમાં નહીં પહોંચે તો હાલત ગંભીર થશે”.