Delhi: ઈન્દિરા ગાંધી એરપોર્ટ પર સોનાની દાણચોરી કરતી ગેંગનો પર્દાફાશ, ઈન્ડિગો અને સ્પાઇસ જેટના સ્ટાફ સહિત 7 લોકોની ધરપકડ
દિલ્હીના ઇન્દિરા ગાંધી એરપોર્ટ (પરના કસ્ટમ અધિકારીઓએ 72.46 લાખ રૂપિયાના સોનાની દાણચોરી કરવા માટે ઈન્ડિગો અને સ્પાઇસ જેટ એરલાઇન્સના 4 સ્ટાફ સભ્યો સહિત કુલ 7 લોકોને ધરપકડ કરી છે.
દિલ્હીના ઇન્દિરા ગાંધી એરપોર્ટ (Delhi Indira Gandhi Airport) પરના કસ્ટમ અધિકારીઓએ 72.46 લાખ રૂપિયાના સોનાની દાણચોરી કરવા માટે ઈન્ડિગો અને સ્પાઇસ જેટ એરલાઇન્સના 4 સ્ટાફ સભ્યો સહિત કુલ 7 લોકોને ધરપકડ કરી છે. દિલ્હી કસ્ટમ્સ અધિકારીએ કહ્યું કે, 21 જુલાઇએ આ કાર્યવાહી કરવામાં આવી હતી.
વર્ષ 2019માં કેરળના કન્નુરના નવા આંતરરાષ્ટ્રીય હવાઇમથક પર સોનાની દાણચોરીમાં સામેલ થવા બદલ કસ્ટમ વિભાગના 3 અધિકારીઓને બરતરફ કરવામાં આવ્યા છે. કસ્ટમ્સ વિભાગના સૂત્રોના જણાવ્યા અનુસાર કસ્ટમ્સ પ્રિવેન્ટિવ કમિશનર સુમિત કુમારે અધિકારીઓ (રોહિતકુમાર શર્મા, ક્રિશન કુમાર અને શંકેન્દ્ર પાસવાન)ને એરપોર્ટ પર 4 કરોડથી વધુના 11 કિલો સોનાની દાણચોરીમાં સામેલ કરવા બદલ બરતરફ કરવાના આદેશો જાહેર કર્યા છે.
સૂત્રોના જણાવ્યા અનુસાર આ અધિકારીઓને સસ્પેન્શન હેઠળ રાખવામાં આવ્યા હતા અને ગયા વર્ષે 5 મેના રોજ કસ્ટમ્સ પ્રિવેન્ટિવ કમિશનરએ તેમની સામે ચાર્જશીટ જારી કરી હતી. 29 ઓગસ્ટે ડિરેક્ટોરેટ ઓફ રેવન્યુ ઈન્ટેલિજન્સ દ્વારા આ અધિકારીઓની દાણચોરીના કેસમાં સંડોવણી બદલ ધરપકડ કરવામાં આવી હતી.