VIDEO: દેશના 11 રાજ્યમાં પ્રસર્યો કોરોના વાઈરસ, અનેક રાજ્યોમાં શટડાઉન જેવી સ્થિતિ

કોરોના વાઇરસ હવે દેશભરમાં ફેલાવા લાગ્યો છે. જેને પગલે દેશના અનેક રાજ્યોમાં શટડાઉન જેવી સ્થિતિનું નિર્માણ થયું છે, અનેક સ્કૂલ, કોલેજોને બંધ કરી દેવામાં આવ્યા છે. દેશમાં કેસની સંખ્યા વધીને 81 પર પહોંચી ગઈ છે. જ્યારે કર્ણાટક બાદ દિલ્લીમાં પણ એકનું મોત થતાં મોતનો આંકડો 2 થઈ ગયો છે..જે રાજ્યોમાં હાલ ખરાબ સ્થિતિ છે તેમાં દિલ્લી, મહારાષ્ટ્ર, કર્ણાટક, કેરળનો સમાવેશ થાય છે. દેશમાં બિહાર, કર્ણાટક, દિલ્હી, ઓડિશામાં સ્કૂલ-કોલેજોને સંપૂર્ણપણે હાલ પુરતા બંધ કરી દેવાના આદેશ અપાયા છે.

આ પણ વાંચો: દુનિયાના સૌથી અમીર લોકોમાં સામેલ બિલ ગેટ્સે માઈક્રોસોફ્ટને કહ્યું અલવિદા, હવે કરશે આ કામ

બીસીસીઆઇએ પણ આઇપીએલની ટુર્નામેન્ટ કે જે 29મી માર્ચથી શરૂ થવાની હતી તેને હાલ પુરતા સસ્પેન્ડ કરી દીધી છે. એટલું જ નહીં સરહદો પણ સીલ કરી દેવામાં આવી છે અને 37માંથી 19 જ બોર્ડર ચેકપોર્ટ પર ઇન્ટરનેશનલ ટ્રાફિકને માન્યતા આપી છે જ્યારે બાકીની સીલ કરી દેવાઇ છે… તો બીજીતરફ ચીન, માલદીવ અને અમેરિકા વગેરેમાંથી આશરે 1031 લોકોને બચાવીને ભારત લાવવામાં આવ્યા છે. જ્યારે ભારત બાંગ્લાદેશ વચ્ચે ચાલતી પેસેંજર ટ્રેનને 15મી એપ્રીલ સુધી બંધ કરી દેવામાં આવી છે. દેશમાં આશરે 42,000 લોકો હાલ કોમ્યૂનિટી સર્વેલન્સ હેઠળ છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો