મેઘાલયમાં કોંગ્રેસને વધુ એક મોટો ઝટકો, તમામ પાંચ ધારાસભ્યોએ પાર્ટી છોડી, MDAમાં થશે સામેલ

મેઘાલયમાં (Meghalaya) કોંગ્રેસને (Congress) ફરી એકવાર મોટો ઝટકો લાગ્યો છે. અહીં કોંગ્રેસના તમામ પાંચ ધારાસભ્યોએ પાર્ટી છોડી દીધી છે અને મેઘાલય ડેમોક્રેટિક એલાયન્સ (MDA)માં જોડાવાનો નિર્ણય કર્યો છે. એમડીએ રાજ્યમાં સત્તારૂઢ ગઠબંધન સરકાર છે. મેઘાલય ડેમોક્રેટિક એલાયન્સમાં જોડાનારા પાંચ ધારાસભ્યોમાં CLP નેતાઓ અંપારિન લિંગદોહ, માયરલબોર્ન સિએમ, મોહેંડ્રો રાપસાંગ, કિમ્ફા મારબાનિયાંગ અને પીટી સોકમીનો સમાવેશ થાય છે. 2023ની વિધાનસભા ચૂંટણી પહેલા કોંગ્રેસ માટે તેને મોટો આંચકો માનવામાં આવી રહ્યો છે. મીડિયા અહેવાલો અનુસાર, પાંચ ધારાસભ્યોએ મંગળવારે એક બેઠક કરી હતી અને મેઘાલયના મુખ્યમંત્રી કોનરાડ સંગમાને હસ્તાક્ષરિત પત્ર સોંપ્યો હતો.

અગાઉ 10 ધારાસભ્યો ટીએમસીમાં જોડાયા હતા

આ પહેલા કોંગ્રેસના 10 ધારાસભ્યો તૃણમૂલ કોંગ્રેસમાં જોડાયા હતા. ત્યારબાદ મેઘાલયમાં તૃણમૂલ કોંગ્રેસમાં જોડાનાર કોંગ્રેસના 10 ધારાસભ્યોએ વિધાનસભાના અધ્યક્ષ મેતબાહ લિંગદોહ દ્વારા જાહેર કરાયેલ શો-કોઝ નોટિસ પર વ્યક્તિગત જવાબ દાખલ કર્યો હતો અને તેમને તેમના વિલીનીકરણને બંધારણીય તરીકે ગેરલાયક ન ઠેરવવા વિનંતી કરી હતી.

પૂર્વ મુખ્યમંત્રી મુકુલ સંગમા સહિત 12 ધારાસભ્યો તૃણમૂલ કોંગ્રેસમાં જોડાયા બાદ વિધાનસભામાં કોંગ્રેસના ધારાસભ્યોની સંખ્યા 18થી ઘટીને હવે છ થઈ ગઈ છે. કોંગ્રેસે અગાઉ વિધાનસભાના અધ્યક્ષને ફરિયાદ કરી હતી અને બંધારણની 10મી અનુસૂચિ હેઠળ 10 ધારાસભ્યોને ગેરલાયક ઠેરવવાની અપીલ કરી હતી.

કારણ બતાવો નોટિસનો જવાબ આપતાં અન્ય નવ ધારાસભ્યોની આગેવાની કરતા સંગમાએ કહ્યું હતું કે કૉંગ્રેસના ધારાસભ્યોના TMC સાથે વિલીનીકરણ માટે બંધારણની દસમી અનુસૂચિના ફકરા 4 ની જોગવાઈઓ હેઠળની તમામ જરૂરિયાતો પૂરી થઈ ગઈ છે. ધારાસભ્યોને ગેરલાયક ઠેરવવાની અપીલ કરવા બદલ કોંગ્રેસ પર પ્રહાર કરતાં સંગમાએ કહ્યું હતું કે, 10 ધારાસભ્યો સામે દાખલ કરવામાં આવેલી અરજીઓ સંપૂર્ણ ખોટા અર્થઘટનનું પ્રતિબિંબ અને તથ્યોને ઉપજાવી કાઢવાના પ્રયાસ સિવાય બીજું કંઈ નથી.

કોંગ્રેસ વિધાયક દળના નેતા અંપારિન લિંગદોહે કહ્યું હતું કે ટીએમસીમાં જોડાયેલા અન્ય બે ધારાસભ્યો ચાર્લ્સ પનગ્રોપ અને શીતલાંગ પાલે સામે ટૂંક સમયમાં અલગ અરજી દાખલ કરવામાં આવશે. તે જ સમયે, 25 નવેમ્બરના રાજકીય બળવા પછી, TMC મેઘાલય વિધાનસભામાં મુખ્ય વિપક્ષી પાર્ટી બની ગઈ છે.

આ પણ વાંચો : UP Election: તમામ પાક પર MSPથી લઈને મફત શિક્ષણ અને મફત લેપટોપ સુધી, સપાના ‘વચન પત્ર’માં અખિલેશ યાદવની મોટી જાહેરાતો

આ પણ વાંચો : PM Narendra Modi In Rajya Sabha: શું છે તંદૂર કાંડ, જેના વિશે પીએમ મોદીએ કહ્યું- ‘કોંગ્રેસ ન હોત તો દીકરીઓને તંદૂરમાં ફેંકવાની ઘટના ન બની હોત’