બૂસ્ટર ડોઝને લઈને કેન્દ્ર સરકારનો મોટો નિર્ણય, 9 મહિનાથી ઘટાડીને 6 મહિના કરવામાં આવી વેક્સીનની સમયમર્યાદા
કેન્દ્રીય સ્વાસ્થ્ય મંત્રાલયે (Union Health Ministry) આજે એક મહત્વપૂર્ણ નિર્ણય લેતા 18 વર્ષથી વધુ ઉંમરના લોકો માટે કોવિડ રસીના બીજા ડોઝ અને સાવચેતીના ડોઝ વચ્ચેનું અંતર 9 મહિનાથી ઘટાડીને 6 મહિના કરી દીધું છે.
કેન્દ્રીય સ્વાસ્થ્ય મંત્રાલયે (Union Health Ministry) આજે એક મહત્વપૂર્ણ નિર્ણય લેતા 18 વર્ષથી વધુ ઉંમરના લોકો માટે કોવિડ વેક્સીનના બીજા ડોઝ અને સાવચેતીના ડોઝ વચ્ચેનું અંતર 9 મહિનાથી ઘટાડીને 6 મહિના કરી દીધું છે. સરકારે કોવિડ વેક્સીનના (Corona Vaccine) બીજા ડોઝ અને સાવચેતીના ડોઝ વચ્ચેનું અંતર 9 મહિનાથી ઘટાડીને 6 મહિના કર્યું છે. રસીકરણ પર સરકારની સલાહકાર સંસ્થા નેશનલ ટેકનિકલ એડવાઇઝરી ગ્રૂપ ઓન ઈમ્યુનાઇઝેશન (NTAGI) એ બીજા ડોઝ અને બૂસ્ટર ડોઝ વચ્ચેના અંતરને ઘટાડવાની ભલામણ કરી હતી.
Union Health Ministry reduces gap for COVID-19 precaution doses from existing 9 months to 6 months for those above 18 years pic.twitter.com/s7YmO3SwZh
— ANI (@ANI) July 6, 2022
કેન્દ્રીય સ્વાસ્થ્ય સચિવ રાજેશ ભૂષણે તમામ રાજ્યો અને કેન્દ્રશાસિત પ્રદેશોના મુખ્ય સચિવો અને પ્રશાસકોને લખેલા પત્રમાં કહ્યું કે, ‘ખાનગી કોરોના રસીકરણ કેન્દ્રોમાં બીજા ડોઝની તારીખથી 6 મહિના અથવા 26 અઠવાડિયા પૂરા થયા પછી હવે 18-59 વર્ષના તમામ લાભાર્થીઓને બુસ્ટર ડોઝ આપવામાં આવશે. તેમણે કહ્યું કે 60 વર્ષ અને તેથી વધુ ઉંમરના લાભાર્થીઓ સાથે સાથે આરોગ્ય સંભાળ કાર્યકરો અને ફ્રન્ટ લાઇન વર્કર્સ બીજો ડોઝ આપ્યાના 6 મહિના અથવા 26 અઠવાડિયા પૂરા થયા પછી બૂસ્ટર ડોઝ લઈ શકશે.
કેન્દ્ર સરકારે મે મહિનામાં વિદેશ પ્રવાસ કરતા નાગરિકો અને વિદ્યાર્થીઓને ગંતવ્ય દેશની માર્ગદર્શિકા મુજબ નવ મહિનાની રાહ જોવાની અવધિ પહેલાં રસીકરણ કરવાની મંજૂરી આપી હતી. સરકારી સલાહકાર સમિતિએ બેઠકમાં પ્રાથમિક રસીકરણમાં એન્ટિ-કોવિડ રસીથી અલગ સાવચેતીભર્યા ડોઝ તરીકે રસીનો ઉપયોગ કરવાની શક્યતા અંગે વેલ્લોરમાં ક્રિશ્ચિયન મેડિકલ કોલેજ (CMC) દ્વારા એક અભ્યાસના તારણોની પણ સમીક્ષા કરી હતી.
NTAGI સમિતિએ રસીકરણની આવશ્યકતા પર કરી બેઠક
સૂત્રોએ જણાવ્યું હતું કે એનટીએ સમિતિએ બેઠકમાં મંકીપોક્સના ભય અને રસીકરણની આવશ્યકતા પર પણ ચર્ચા કરી હતી. સીએમસી અભ્યાસ કોવિશિલ્ડ અને કોવાક્સિન પર હતો. બેઠકમાં મંકીપોક્સના ભય અને રસીકરણની આવશ્યકતા અંગે પણ ચર્ચા કરવામાં આવી હતી. સભ્યોનું માનવું હતું કે હવે કડક દેખરેખની જરૂર છે.
કોવેક્સિન અને કોર્બેવેક્સ રસીઓ પરના ડેટાની પણ કરવામાં આવી સમીક્ષા
દેશમાં હજુ સુધી મંકીપોક્સનો કોઈ કેસ નોંધાયો નથી. સમિતિએ 6-12 વય જૂથ માટે કોવેક્સિન અને કાર્બેવેક્સ રસીઓ પરના ડેટાની પણ સમીક્ષા કરી હતી. સૂત્રએ જણાવ્યું હતું, “સભ્યોએ જણાવ્યું હતું કે બાળકોમાં કોવિડ બોજ અને મૃત્યુદર અંગેના ડેટા એટલા મજબૂત નથી કે 12 વર્ષથી ઓછી ઉંમરના બાળકોની રસીકરણની રજૂઆત વિશે નિર્ણય લઈ શકાય.”
Published On - 6:08 pm, Wed, 6 July 22