Helicopter Crash: CDS બિપિન રાવતના પત્ની મધુલિકા રાવત સેનાના પરિવારોની સેવા કરતા હતા

CDS બિપિન રાવતના પત્ની મધુલિકા રાવતનું પણ હેલિકોપ્ટર ક્રેશની ઘટનામાં મોત થયુ છે. બિપિન રાવતની પત્ની મધુલિકા રાવત હાલમાં AWWA એટલે કે આર્મી વાઇવ્સ વેલ્ફેર એસોસિએશનના પ્રમુખ હતા. આ એસોસિએશન સૈન્ય અધિકારીઓ, જવાનોની પત્નીઓ, બાળકો અને આશ્રિતોના કલ્યાણ માટે કામ કરતી નોડલ સંસ્થા છે. તેની સ્થાપના 1966માં થઈ હતી.

પત્ની મધુલિકા રાવત ગૃહિણી હોવાની સાથે સામાજિક કાર્યકર પણ હતા. પરિવારની સંભાળ રાખવાની સાથે તે સામાજિક કાર્યક્રમોમાં પણ સક્રિયપણે ભાગ લેતા રહેતા હતા.

AWWA ના પ્રમુખ તરીકે, મધુલિકા રાવત યુદ્ધ અથવા અન્ય લશ્કરી કામગીરી દરમિયાન મૃત્યુ પામેલા શહીદોની પત્નીઓ અને આશ્રિતોની સુખાકારી અને સર્વાંગી વિકાસ માટે જવાબદાર રહેતા હતા. મધુલિકા રાવતે શહીદોની પત્નીઓના જીવન અને વિકાસ માટે ઘણા કાર્યક્રમોનું આયોજન કર્યું હતુ.

તમને જણાવી દઈએ કે આ વર્ષે મહિલા દિવસના અવસર પર AWWA દ્વારા મધુલિકા રાવતના નેતૃત્વમાં આર્મી જલની શરૂઆત કરવામાં આવી હતી, જેનો હેતુ દેશના લોકોને વિદેશી અથવા અન્ય કંપનીઓના બોટલના પાણીને બદલે સેનાનું પાણી ખરીદવા માટે પ્રેરિત કરવાનો હતો. , જેથી આમાંથી બનતી રકમ શહીદોના બાળકોના શિક્ષણ માટે વાપરી શકાય. મધુલિકા રાવત શહીદોના આશ્રિતોના વિકાસ માટેના અન્ય અભિયાનો સાથે પણ જોડાયેલા છે.

આ દરમિયાન ભૂતપૂર્વ લે. જનરલ એચ. એસ. પનાગે ચીફ ઓફ ડિફેન્સ સ્ટાફ જનરલ બિપિન રાવતને શ્રદ્ધાંજલિ આપતા માઇક્રોબ્લોગિંગ સાઇટ ટ્વિટર પર RIP લખ્યું. તમને જણાવી દઈએ કે સત્તાવાર રીતે આવી કોઈ માહિતી સામે આવી નથી.

ભૂતપૂર્વ લે. જનરલ એચએસ પનાગના ટ્વીટ પર ઘણા લોકોની પ્રતિક્રિયા આવી રહી છે. જેમાં ઘણા લોકો તેમને બેજવાબદાર ગણાવી રહ્યા છે  અને કેટલાક લોકો તેમને સપોર્ટ પણ કરી રહ્યા છે.