Breaking News: CBSE 10th Result 2026 Declared : CBSE ધોરણ 10નુ પરિણામ થયું જાહેર; ઉમંગ એપ પર પરિણામ જોઈ શકશો

CBSE બોર્ડના 10મા ધોરણના લાખો વિદ્યાર્થીઓ માટે મોટા સમાચાર સામે આવ્યા છે. બોર્ડે 16 એપ્રિલ, બુધવારની સાંજે ધોરણ 10નું પરિણામ સત્તાવાર રીતે જાહેર કરી દીધું છે. આ વર્ષે 26 લાખથી વધુ વિદ્યાર્થીઓએ પરીક્ષા આપી હતી, જેમના ભવિષ્યનો ફેંસલો હવે ઓનલાઇન જોઈ શકાય છે.

પરિણામ વહેલું જાહેર થવાનું રહસ્ય

CBSE એ આ વર્ષે એક મોટો ફેરફાર કર્યો છે. ઇતિહાસમાં પહેલીવાર ધોરણ 12 કરતા પહેલા ધોરણ 10નું પરિણામ જાહેર કરવામાં આવ્યું છે. આ પાછળનું મુખ્ય કારણ ‘સેકન્ડ બોર્ડ એક્ઝામ’ છે. CBSE આ વર્ષથી જ વર્ષમાં બે વાર બોર્ડ પરીક્ષા લેવાની પદ્ધતિ અમલમાં લાવી રહ્યું છે, જેથી વિદ્યાર્થીઓને તણાવમુક્ત કરી શકાય.

15 મેથી શરૂ થશે બીજી પરીક્ષા

જે વિદ્યાર્થીઓ પોતાના પરિણામથી સંતુષ્ટ નથી અથવા વધુ સારી તૈયારી કરવા માંગે છે, તેમના માટે ‘સેકન્ડ એક્ઝામ’ 15 મે થી 1 જૂન દરમિયાન યોજાશે. આ પરીક્ષામાં પ્રથમ પરીક્ષામાં બેઠેલા વિદ્યાર્થીઓ વધુમાં વધુ 3 વિષયોમાં પોતાની ક્ષમતા સુધારી શકશે. આ સુવિધાને કારણે જ બોર્ડે પહેલી પરીક્ષાનું રિઝલ્ટ વહેલું જાહેર કર્યું છે જેથી વિદ્યાર્થીઓને બીજી પરીક્ષા માટે પૂરતો સમય મળી રહે.

રિઝલ્ટ ક્યાં અને કેવી રીતે ચેક કરશો?

વિદ્યાર્થીઓ અને વાલીઓ અત્યારે જ ‘ઉમંગ (UMANG) એપ’ પર જઈને પરિણામ જોઈ શકે છે. આ ઉપરાંત નીચેના પ્લેટફોર્મ પર પણ રિઝલ્ટ ઉપલબ્ધ છે:

• CBSE ની સત્તાવાર વેબસાઇટ
• ડિજિલૉકર (DigiLocker)
• CBSE રિઝલ્ટ પોર્ટલ

પાસ થવા માટે કેટલા ગુણ જરૂરી?

CBSE ના નિયમ મુજબ, વિદ્યાર્થીએ દરેક વિષયમાં અને એકંદરે ઓછામાં ઓછા 33% ગુણ મેળવવાના રહેશે. જો કોઈ વિદ્યાર્થી 1 કે 2 વિષયમાં નાપાસ થાય તો તેને કમ્પાઉન્ડમેન્ટ પરીક્ષામાં બેસવાની તક મળશે, પરંતુ 2 થી વધુ વિષયમાં નિષ્ફળ જનારને ફેલ જાહેર કરવામાં આવશે.

ઓનલાઇન રિઝલ્ટ ચેક કરવાની રીત:

• બોર્ડની વેબસાઇટ ખોલો.
• ‘CBSE Class 10 Result 2026’ લિંક પર ક્લિક કરો.
• તમારો રોલ નંબર, સ્કૂલ નંબર, જન્મતારીખ અને એડમિટ કાર્ડ આઈડી દાખલ કરો.
• સબમિટ કરતાની સાથે જ તમારું માર્કશીટ સ્ક્રીન પર દેખાશે.

ઘરે બનાવેલું પનીર વારંવાર સખત થઈ જાય છે ? આ 5 ટિપ્સ અપનાવશો તો દરેક વખતે બનશે બજાર જેવું મલાઈદાર અને સોફ્ટ