Breaking News : NEET UG Result 2024 જાહેર, એપ્લિકેશન નંબરથી કરો ચેક
Jul 20, 2024 | 12:25 PM
NEET UG Result 2024 Declared : સુપ્રીમ કોર્ટના આદેશ પર NTA એ NEET UG 2024 પરીક્ષાનું પરિણામ શહેર અને કેન્દ્ર મુજબ જાહેર કર્યું છે. ઉમેદવારો અહીં આપેલી લિંક પર તેમનો રોલ નંબર દાખલ કરીને સ્કોરકાર્ડ ચકાસી શકે છે.
Follow us on
NEET UG 2024 ની પરીક્ષાનું પરિણામ જાહેર કરવામાં આવ્યું છે. નેશનલ ટેસ્ટિંગ એજન્સી દ્વારા આજે 20 જુલાઈ, બપોરે 12 વાગ્યે પરિણામો જાહેર કરવામાં આવ્યા હતા. પરીક્ષામાં હાજર રહેલા ઉમેદવારો NTA exam.nta.ac.in/NEET/ અને neet.ntaonline.in ની ઓફિશિયલ વેબસાઇટની મુલાકાત લઈને તેમના એપ્લિકેશન નંબર દ્વારા સ્કોરકાર્ડ ચકાસી શકે છે.
પરીક્ષાનું પરિણામ અગાઉ 4 જૂને જાહેર કરવામાં આવ્યું હતું
આ પ્રથમ વખત છે જ્યારે NEET UG કેસ સુપ્રીમ કોર્ટમાં ગયો અને તમામ ઉમેદવારોના પરિણામો ફરીથી જાહેર કરવામાં આવ્યા. 5મી મેના રોજ લેવાયેલી NEET UG પરીક્ષાનું પરિણામ અગાઉ 4 જૂને જાહેર કરવામાં આવ્યું હતું. કુલ 67 ટોપર્સ જાહેર કરવામાં આવ્યા હતા, જેના સંદર્ભમાં ઉમેદવારોએ પરીક્ષામાં ગેરરીતિ અને પેપર લીક થવાનો આક્ષેપ કર્યો હતો અને સુપ્રીમ કોર્ટમાં અરજી કરી હતી.
સુપ્રીમ કોર્ટ NEET કેસમાં આગામી સુનાવણી હાથ ધરશે
સુપ્રીમ કોર્ટના આદેશ પછી આજે, 20 જુલાઈએ, NTA એ પરીક્ષા શહેર અને કેન્દ્ર મુજબ NEET UG પરિણામ જાહેર કર્યું. પરીક્ષામાં હાજર રહેલા તમામ 23 લાખથી વધુ ઉમેદવારોના પરિણામો જાહેર કરવામાં આવ્યા છે. હવે તેના આધારે સુપ્રીમ કોર્ટ NEET કેસમાં આગામી સુનાવણી હાથ ધરશે.
આ રીતે ચેક કરો NEET UG result 2024
- NTA ની ઓફિશિયલ વેબસાઇટ neet.ntaonline.in ની મુલાકાત લો.
- અહીં NEET UG 2024 પરિણામની લિંક પર ક્લિક કરો.
- પરિણામ તમારી સ્ક્રીન પર દેખાશે.
- હવે રોલ નંબરની મદદથી ચેક કરો.
આ કેન્દ્રોને લઈને વિવાદ થયો હતો
પરીક્ષાના એક દિવસ પહેલા પેપર મળ્યું હતું
Published On - 12:09 pm, Sat, 20 July 24