Breaking News : દશેરા-દિવાળી પહેલા જ મોંઘવારીનો ડામ, કોમર્શિયલ ગેસ સિલિન્ડરમાં ભાવવધારો ! શું ઘરેલુ સિલિન્ડરના ભાવ પણ વધ્યા?
તહેવારોની સિઝનમાં જ ગ્રાહકોને મોટો ઝટકો લાગ્યો છે. ગ્રાહકોના ખિસ્સા પર વધુ ભાર પડવાનો છે. આજે, 1 ઓક્ટોબરે ઓઇલ કંપનીઓએ ઘરેલુ અને કોમર્શિયલ ગેસ સિલિન્ડરના નવા ભાવ ડિક્લેર કર્યા છે. હવે ગેસ સિલિન્ડરની કિંમત કેટલી થઈ છે તે વિશે જાણો?
દેશમાં તહેવારોનો માહોલ છે. સમગ્ર દેશમાં તહેવારોની ધમધમાટ શરૂ થઈ ગઈ છે. એવામાં આજે ઓઇલ કંપનીઓએ ગેસ સિલિન્ડરના નવા ભાવ જાહેર કર્યા છે. ઓક્ટોબરના પ્રથમ દિવસે જ ગ્રાહકોને મોંઘવારીનો ઝટકો લાગ્યો છે. કોમર્શિયલ ગેસ સિલિન્ડરની કિંમતમાં વધારો કરવામાં આવ્યો છે. મુંબઈમાં કોમર્શિયલ ગેસ સિલિન્ડરની કિંમત અગાઉ ₹2,701 હતી. હવે તેમાં ₹63નો વધારો થતાં કિંમત ₹2,764 થઈ ગઈ છે. જોકે, ઘરેલુ ગેસ સિલિન્ડરની કિંમત ₹941.50 પર યથાવત છે.
અમદાવાદમાં 14.2 કિગ્રા વાળા ઘરેલુ LPG સિલિન્ડરની વર્તમાન કિંમત ₹949 છે. ગયા મહિનાની સરખામણીએ ઘરેલુ ગેસના ભાવમાં કોઈ ફેરફાર થયો નથી અને જૂન 2026થી આ ભાવ ₹949 પર જ સ્થિર છે. જોકે, પાછલા 12 મહિનાની વાત કરીએ તો નવેમ્બર 2025થી ઓક્ટોબર 2026 સુધીમાં ઘરેલુ ગેસની કિંમતમાં કુલ ₹89 નો વધારો થયો છે. આ સમયગાળા દરમિયાન ઘરેલુ ગેસના ભાવમાં સૌથી મોટો વધારો માર્ચ 2026માં થયો હતો. જ્યારે કિંમતમાં ₹60 નો વધારો નોંધાયો હતો.
બીજી તરફ, 19 કિગ્રા વાળા કોમર્શિયલ LPG સિલિન્ડરની કિંમત અમદાવાદમાં ₹2,831.50 છે. જે ગયા મહિનાના ₹2,768 ના ભાવ કરતાં વધારે છે. પાછલા 12 મહિના દરમિયાન કોમર્શિયલ ગેસના ભાવમાં વધારાનો ટ્રેન્ડ રહ્યો છે. પરંતુ નવેમ્બર 2025થી ઓક્ટોબર 2026 વચ્ચે કુલ એકંદર વધારો માત્ર ₹1 નો જ થયો છે. કોમર્શિયલ ગેસના ભાવમાં સૌથી મોટો વધારો મે 2026માં થયો હતો, જ્યાં એકસાથે ₹993 નો વધારો થયો હતો. જ્યારે સૌથી મોટો ઘટાડો ઓગસ્ટ 2026માં ₹194.50 નો નોંધાયો હતો.
ઘરેલુ ગેસ સિલિન્ડરની કિંમતમાં કોઈ ફેરફાર નથી
લેહથી કન્યાકુમારી અને મુંબઈથી પૂર્વોત્તર રાજ્યો સુધી 19 કિલોના કોમર્શિયલ ગેસ સિલિન્ડરની કિંમતમાં વધારો થયો છે. બીજી તરફ, 14.2 કિલોના ઘરેલુ ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી. આ વધારાને કારણે હોટેલિંગ અને ફરાળ મોંઘો થવાની શક્યતા પણ વધી છે. ઇન્ડિયન ઓઇલે નવા ભાવ જાહેર કર્યા છે. તે મુજબ દિલ્હીમાં કોમર્શિયલ ગેસ સિલિન્ડર આજથી ₹62.50 મોંઘો થયો છે.
દિલ્હીમાં સપ્ટેમ્બરમાં પણ 19 કિલોના કોમર્શિયલ સિલિન્ડરની કિંમતમાં ₹9.50નો વધારો થયો હતો. હવે તેની કિંમત ₹2,747.50 થઈ ગઈ છે. ચેન્નાઈમાં કોમર્શિયલ સિલિન્ડરની કિંમત હવે ₹2,983 થઈ ગઈ છે. સપ્ટેમ્બરમાં તેની કિંમત ₹2,916.50 હતી. જ્યારે ઘરેલુ ગેસ સિલિન્ડરની કિંમત ₹957.50 છે.
સૌથી મોંઘો સિલિન્ડર ક્યાં?
લેહમાં ગેસ સિલિન્ડર સૌથી મોંઘો છે. અહીં ઘરેલુ ગેસ સિલિન્ડરની કિંમત ₹1,179 છે. જ્યારે કોમર્શિયલ ગેસ સિલિન્ડરની કિંમત અગાઉ ₹3,385.50 હતી, જે હવે વધીને ₹3,450 થઈ ગઈ છે. એટલે કે કોમર્શિયલ ગેસ સિલિન્ડર ₹64.50 મોંઘો થયો છે. કેન્દ્ર સરકાર પાત્ર ગ્રાહકોના બેંક ખાતામાં સીધી LPG સબસિડી જમા કરે છે. હાલમાં PMUY ગ્રાહકો માટે કેન્દ્ર સરકારે 14.2 કિલોના સિલિન્ડર દીઠ ₹300 સુધીની સબસિડીની જોગવાઈ કરી છે. આ સબસિડી વર્ષમાં 12 રિફિલ સુધી આપવામાં આવે છે.
LPGની કિંમત કેવી રીતે નક્કી થાય છે?
ઇન્ડિયન ઓઇલના જણાવ્યા અનુસાર, LPGના ભાવમાં વધારો કે ઘટાડાની અસર તરત જોવા મળે છે. LPGની કિંમત નક્કી કરવા માટે વૈશ્વિક LPG ભાવને બેન્ચમાર્ક તરીકે લેવામાં આવે છે. OMCs દ્વારા અગાઉના મહિનાના સરેરાશ બેન્ચમાર્ક ભાવ અને વિદેશી ચલણના વિનિમય દરના આધારે LPGની કિંમત નક્કી કરવામાં આવે છે.
