Breaking news: ગુરુદાસપુર જિલ્લામાં દરોડા દરમિયાન પોલીસકર્મીએ મહિલા ખેડૂતને મારી થપ્પડ,video viral

પંજાબના ગુરદાસપુર જિલ્લાની એક મહિલા ખેડૂતને પોલીસકર્મી દ્વારા થપ્પડ મારવાનો વીડિયો ઝડપથી વાયરલ થઈ રહ્યો છે. બુધવારે ખેડૂતોએ દિલ્હી-કટરા નેશનલ હાઈવે પર જમીન સંપાદનનો વિરોધ કર્યો હતો. જે બાદ પોલીસે ગુરદાસપુર જિલ્લાના શ્રી હરગોબિંદપુર બ્લોકના ભામરી ગામમાં દરોડા પાડ્યા હતા. દરોડા દરમિયાન એક પોલીસકર્મીએ મહિલા ખેડૂતને થપ્પડ મારી હતી જેનો વીડિયો સોશિયલ મીડિયા પર વાયરલ થઈ રહ્યો છે. જે બાદ પંજાબ પોલીસની નિંદા થઈ રહી છે અને સવાલો ઉભા થઈ રહ્યા છે.

Video: #Punjab Policeman slaps woman farmer protesting land acquisition in Gurdaspur (shocking visuals)#PunjabPolice #TV9News pic.twitter.com/E7LfRa6w6Y

— Tv9 Gujarati (@tv9gujarati) May 18, 2023

પંજાબ પોલીસની ટીકા થઈ રહી છે

તમને જણાવી દઈએ કે દિલ્હી-કટરા નેશનલ હાઈવે પર ખેડૂતોની જમીન સંપાદિત કરવામાં આવી રહી છે. જેના માટે ખેડૂતોએ વિરોધનો માર્ગ અપનાવ્યો હતો. આ દરમિયાન પંજાબ પોલીસનો અમાનવીય ચહેરો સામે આવ્યો. પોલીસે ખેડૂતો સાથે મારપીટ કરી, આ દરમિયાન એક ખેડૂતની પાઘડી પણ ઉતરી ગઈ. પોલીસ દ્વારા મહિલાઓ સાથે અત્યાચાર પણ કરવામાં આવ્યો હતો. ઘણા ખેડૂતોને પણ કસ્ટડીમાં લેવામાં આવ્યા હતા. તે જ સમયે, મહિલાને થપ્પડ મારતા પોલીસકર્મીનો વીડિયો વાયરલ થયા પછી, ખેડૂતો આરોપી પોલીસકર્મીઓ સામે કાર્યવાહીની માંગ કરી રહ્યા છે.

ખેડૂતોએ પાટા પર ધરણા પણ કર્યા હતા

તમને જણાવી દઈએ કે, એપ્રિલ મહિનામાં જ ગુરદાસપુરમાં ખેડૂતોએ ભારત માલા પ્રોજેક્ટ હેઠળ આવતા હાઈવે માટે સંપાદિત થનારી જમીનને લઈને પ્રદર્શન કર્યું હતું. ખેડૂતોએ રેલ રોકો આંદોલન શરૂ કર્યું હતું. જિલ્લા વહીવટી તંત્રની ખાતરી બાદ આંદોલન પાછું ખેંચાયું હતું. રેલ રોકો આંદોલન દરમિયાન ખેડૂતોએ તેમના ટ્રેક્ટર રેલવે ટ્રેક પર ઉભા રાખીને કેન્દ્ર અને પંજાબ સરકાર વિરુદ્ધ સૂત્રોચ્ચાર કર્યા હતા. રેલ રોકો વિરોધને કારણે છ ટ્રેનો પણ રદ કરવામાં આવી હતી. આ પહેલા પણ કિસાન મજદૂર સંઘર્ષ સમિતિના બેનર હેઠળ ગુરદાસપુરમાં ખેડૂતો દ્વારા રેલ રોકો આંદોલન શરૂ કરવામાં આવ્યું હતું. જે સરકારની ખાતરી બાદ નાબૂદ કરવામાં આવી હતી.