Bihar: મુખ્યમંત્રી નીતિશ કુમારની સુરક્ષામાં મોટી ચૂક, માત્ર 15થી 18 મીટરના અંતરે થયો વિસ્ફોટ

બિહારના (Bihar) મુખ્યમંત્રી નીતિશ કુમારની (Nitish Kumar) સુરક્ષામાં મોટી ખામીનો મામલો સામે આવ્યો છે. નાલંદામાં મુખ્યમંત્રીના સંવાદ કાર્યક્રમ દરમિયાન એક યુવકે સિલાવમાં ફટાકડા ફોડ્યા હતા. જે બાદ પોલીસે તેને કસ્ટડીમાં લીધો છે. કહેવાય છે કે ધરપકડ કરાયેલ યુવક શુભમ આદિત્ય ઈસ્લામપુરના સત્યરગંજ ગામનો રહેવાસી છે અને તે રાષ્ટ્રીયતા સંબંધિત કાર્યક્રમો ચલાવી રહ્યો છે. ધરપકડ કરાયેલા યુવકનું કહેવું છે કે તે રાષ્ટ્રીયતા સંબંધિત એક કાર્યક્રમ ચલાવી રહ્યો છે. પરંતુ મુખ્યમંત્રી આ વાત સાંભળતા ન હતા. એટલા માટે અમે તેમનું ધ્યાન દોરવા માટે ફટાકડા ફોડ્યા છે. પકડાયેલો યુવક બીએસસી ગ્રેજ્યુએટ કોલેજ ઈસ્લામપુરમાં અભ્યાસ કરે છે.

સીએમ નીતિશ કુમારના કાર્યક્રમ સ્થળથી માત્ર 15થી 18 ફૂટ દૂર બોમ્બ વિસ્ફોટ થયો હતો. કહેવામાં આવી રહ્યું છે કે પંડાલમાં જ વિસ્ફોટ થયો હતો અને સ્થળ પર અરાજકતા છે. આ કેસમાં કાર્યવાહી કરતા પોલીસે એક આરોપીને ઝડપી લીધો હતો. મુખ્યમંત્રીના જનસંવાદ કાર્યક્રમમાં તેમની હાજરી દરમિયાન બોમ્બ વિસ્ફોટ થયો હોવાની માહિતી મળી હતી. બિહારના મુખ્યમંત્રી નીતિશ કુમાર નાલંદામાં એક જન સંવાદ કાર્યક્રમમાં હાજર રહ્યા હતા.

આ પહેલા પણ નીતિશ કુમારની સુરક્ષામાં મોટી ભૂલ સામે આવી હતી. પટનામાં એક કાર્યક્રમમાં પહોંચેલા સીએમ નીતિશ કુમાર પર હુમલો કરવાનો પ્રયાસ કરવામાં આવ્યો હતો. એક વ્યક્તિએ સીએમને પાછળથી મુક્કો માર્યો. આ દરમિયાન સીએમ નીતિશ કુમારની સુરક્ષામાં હાજર પોલીસકર્મીઓએ તરત જ આરોપીને કસ્ટડીમાં લઈ લીધો હતો. યુવકની ઓળખ બખ્તિયારપુરના રહેવાસી શંકર ઉર્ફે છોટુ તરીકે થઈ હતી.

નીતિશ કુમાર બખ્તિયારપુરમાં શીલભદ્રની પ્રતિમાને પુષ્પાંજલિ અર્પણ કરવા પહોંચ્યા હતા, ત્યારે ભીડ વચ્ચે હાજર છોટુ નામના વ્યક્તિએ બહાર આવીને સીએમ પર હુમલો કરવાનો પ્રયાસ કર્યો હતો. યુવકે તેમને પાછળથી મુક્કો માર્યો. પરંતુ સુરક્ષાકર્મીઓએ તેને કસ્ટડીમાં લઈ લીધો હતો. આશ્ચર્યની વાત એ છે કે, આરોપી સિક્યોરિટી ગાર્ડની સામેથી થઈને સ્ટેજ પર પહોંચ્યો અને કોઈને કંઈ સમજાયું નહીં. તેણે સીએમ પર હુમલો કરતાની સાથે જ ત્યાં હાજર પોલીસકર્મીઓએ તેને પકડી લીધો હતો.

આ પણ વાંચો : હવે નિરાધાર વૃદ્ધોને સરકાર આપશે આશરો, સીએમ અરવિંદ કેજરીવાલે શરૂ કર્યું ‘સિનિયર સિટીઝન હોમ’ – મફતમાં મળશે તમામ સુવિધાઓ

આ પણ વાંચો : ખોરાક માટે તરસ્યું શ્રીલંકા ! અનાજ માટે $51 બિલિયનની લોન ડિફોલ્ટ કરશે, ભારત 11 હજાર ટન ચોખા મોકલશે

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો