VIDEO: પ્રિ-વેડિંગ શૂટ અને કોરિયોગ્રાફર પર પ્રતિબંધ ! જાણો કયા સમાજે લીધો નિર્ણય

લગ્ન હોય એટલે બેન્ડ બાજા કે ડી જે હોય, મહેંદી હોય, ગીત સંગીત હોય. પણ આજકાલ લગ્નમાં કેટલીક વધુ રીવાજોનો ઉમેરો થયો છે. અને તે છે પ્રિ વેડિંગ શૂટ તેમજ મહિલા સંગીત. જૈન, સિંધિ તેમજ અન્ય ગુજરાતી સમાજ સંગઠનોએ આ પ્રિ વેડિંગ શૂટ તેમજ મહિલા સંગીતમાં કોરિયોગ્રાફર બોલાવવા પર પ્રતિબંધ મુકી દીધો છે. ભોપાલમાં મુનિ શ્રી પ્રસાદ સાગર મહારાજે દિગંબર જૈન પંચાયત સમિતિને નિર્દેશ આપ્યો છે કે જે લોકો નિર્ણય નહીં સ્વીકારે તેમના પર સમાજ ધ્યાન નહીં આપે.

આ પણ વાંચો: VIDEO: અમદાવાદ HK કોલેજમાં વિદ્યાર્થીઓ વચ્ચે મારામારી, વિદ્યાર્થિનીની છેડતી કરવા મુદ્દે થઈ મારામારી

જૈન અને સિંધી પંચાયત માને છે કે પ્રિ વેડિંગ એક દૂષણ છે, કેમ કે લગ્ન પહેલા યુવક યુવતી એક અજાણ્યા સ્થળે જાય છે, અને ત્યાં ફોટો અને વીડિયો શૂટ કરે છે. આ ઉપરાંત લગ્નોમાં આ વધારાનો ખર્ચ પણ હવે સામેલ થઇ ગયો છે. ક્યારેક આવા ખર્ચા કર્યા બાદ પણ યુવક યુવતીને અણબનાવ થતા લગ્ન ફોક થાય છે, અને ખર્ચા માથે પડે છે. તો મહિલા સંગીતમાં કોરિયોગ્રાફરનો પણ ખોટો ખર્ચ લગ્નમાં સામેલ થઇ ગયો છે.

ખાસ કરીને કોરિયોગ્રાફર પુરૂષ હોય છે, અને તે ડાન્સના બહાને ક્યારેક અશ્લીલ હરકતો અને અડપલા કરતો હોવાના પણ કિસ્સા બનતા હોય છે. જેના કારણે આ પ્રતિબંધ મુકાયો હોવાનું ગુજરાતી સમાજ કહી રહ્યો છે. તો ગુજરાતી સમાજનું કહેવું છે કે પ્રિ વેડિંગ અને કોરિયોગ્રાફર બોલાવવો એ હવે દેખાદેખી થઇ ગયું છે. જેથી મધ્યમવર્ગના લોકોને દેખાદેખીમાં ના છૂટકે આ ખોટો ખર્ચ કરવો પડે છે.

ક્યારેક વર કે વધુ બેમાંથી કોઇ એકની આર્થિક સ્થિતિ સારી ન હોય ત્યારે બીજા પક્ષ દ્વારા દબાણ કરવામાં પણ આવતુ હોય છે. જેથી વર કે વધુને ના છૂટકે પ્રિ વેડિંગ શૂટ કરવુ પડતુ હોય છે. ક્યારેક યુવતીની અનિચ્છા હોય તો પણ યુવક સાથે અન્ય સ્થળે જઇને શૂટ કરવુ પડતુ હોય છે. આ તરફ યુવાનો માને છે કે આ પ્રકારનો પ્રતિબંધ ન હોવો જોઇએ. કેમ કે પ્રિ વેડિંગ શૂટ અને કોરિયોગ્રાફર બોલાવવો એ જે ફરજિયાત નથી. જેને પણ પ્રિ વેડિંગ શૂટ કરવુ હોય તેને રોકવા ન જોઇએ.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો