અયોધ્યા રામ મંદિર કેસ: સુપ્રીમ કોર્ટમાં આજથી શરૂ થશે મુસ્લિમ પક્ષકારોની સુનાવણી

અયોધ્યા રામમંદિર કેસ મામલે સુપ્રીમ કોર્ટમાં હિન્દુ પક્ષ તરફથી દલીલો પુરી થઈ ચૂકી છે. કોર્ટમાં આ મામલે પણ હિન્દુ પક્ષોની દલીલોની સુનાવણી 16 દિવસોમાં પુરી થઈ. જેમાં નિર્મોહી અખાડા અને રામ લલા વિરાજમાન સામેલ છે. હવે આજથી સુપ્રીમ કોર્ટ મુસ્લિમ પક્ષકારોની દલીલો સાંભળશે.

સુન્ની વક્ફ બોર્ડના વરિષ્ઠ વકીલ રાજીવ ધવન સોમવારથી કોર્ટ સમક્ષ પોતાની દલીલો રજૂ કરશે. આ દરમિયાન નિર્મોહી અખાડા અને રામલલા વિરાજમાનના વકીલો તરફથી કરેલી દલીલોના જવાબ પણ આપવામાં આવશે.

રાજીવ ધવન પહેલા જ કોર્ટને જણાવી ચૂક્યા છે કે તે દલીલો 20 દિવસમાં પુરી કરશે. તેથી આ મામલાની સુનાવણી સપ્ટેમ્બર મહિનાના અંત સુધી ચાલશે. આ વિવાદીત મુદ્દાનો ઉકેલ લાવવા માટે સુપ્રીમ કોર્ટને એક મહિનાથી વધારે સમય મળશે.

મુસ્લિમ પક્ષકાર તરફથી આ મામલે વિવાદાસ્પદ સ્થળ પર નિર્મોહી અખાડાના દાવાને પ્રતિવાદ કરવામાં આવી શકે છે. કારણ કે નિર્મોહી અખાડા પહેલા જ સુપ્રીમ કોર્ટને કહી ચૂક્યુ છે કે તે રામલલા વિરાજમાન દ્વારા દાખલ કરેલા કેસનો વિરોધ કરશે નહીં.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

સુત્રો દ્વારા મળતી માહિતી મુજબ મુસ્લિમ પક્ષકાર 150 વર્ષથી વિવાદિત સ્થળ પર અખાડાની ઉપસ્થિતીના દાવાને નકારે છે, સાથે જ સ્થાપના કરવાનો પ્રયત્ન કરવામાં આવશે કે મૂર્તિઓ ક્યારેય અંદરના આંગણામાં નહતી, પરંતુ તેમને ત્યાં રાખવામાં આવી હતી.

ઉલ્લેખનીય છે કે 16 દિવસ સુધી ચાલેલી હિન્દુ પક્ષની સુનાવણીમાં રામલલા વિરાજમાન અને નિર્મોહી અખાડાના વકીલોએ તેમની વાતને પ્રમાણિકતાની સાથે રાખવાના પુરા પ્રયત્નો કર્યા, તે દરમિયાન વિવાદીત સ્થળને લઈને ઘણા નવા અને રસપ્રદ તથ્યો પણ બહાર આવ્યા.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]